學友全晚high爆，更同內地觀眾講經。
歌神張學友昨日(21日)在澳門銀河舉行《60+巡迴演唱會》澳門站，有網民在Threads分享片段，內容是學友與樂迷互動期間，有內地觀眾語氣粗魯大叫：「說普通話」。學友禮貌又帶點責備地拒絕，片段極速地超過1萬like，網民大讚學友超型。
片中所見，學友向台下那位內地觀眾說：「對不起，我不懂講普通話。」之後以廣東話問樂迷：「有幾多人係講廣東話㗎？」台下傳出大量歡呼聲。學友又以普通話說：「沒辦法，對不起。學一下廣東話，加油。」再指一指自己腦袋，鼓勵只懂普通話的觀眾：「加油。」
歌神唔係唱緊歌，係同內地觀眾講經，更指住腦袋叫學廣東話：「加油。」
澳門以廣東話為主
至於另一片段，就拍得學友在解釋：「唔識聽廣東話嘅朋友唔好意思，今日呢度係澳門吖嘛，即係都係以廣東話為主。今日可能有啲歌，我會唱國語，我都會盡量去唱，希望大家享受今晚嘅演唱會。」
網民紛紛留言大讚歌神型回應，「我喺現場，呢個位我叫得好high。內地人睇騷真係冇禮貌」、「學友首首都係粵語金曲，強國人要普通話做乜X嘢」、「歌神好L正，幫大家發洩心頭之憤。」
