張振朗今日（1日）出席TVB劇集《刑偵12》宣傳活動。（娛樂組攝）
張振朗今日（1日）出席TVB劇集《刑偵12》宣傳活動，他接受訪問解釋日前多次缺席香港宣傳原因，他說是因為較早前忙於在馬來西亞進行拍攝工作。提到最近於馬來西亞被捕獲睇樓，他直言：「其實咁啱就去咗朋友嗰度，咁啱就俾人捕捉咗影相，但如果可以置業嘅都唔錯，馬來西亞都係幾好嘅選擇，馬來西亞嘅樓價對比香港都算平，我又有朋友喺嗰度，如果可以都可以考慮。」
張振朗指馬來西亞樓價平考慮置業。（娛樂組攝）
「反派式詭異笑容」演技獲網民認證
講到劇中呈現「反派式詭異笑容」演技獲網民認證，他說：「其實表情幾好，我好鍾意呢套劇嘅眼神，每一次嘅角色出到嚟都有啲唔同，本身個角色唔係好表達自己嘅情感，張振朗做啲樣衰嘅表情其實幾好玩。」至於有網民指劇中的神情恍如電影《小丑》一樣，角色發揮得相當好，他表示：「我冇參考過，但當然有睇過，如果係就好啦！即係觀眾會覺得似，見到我一個邪惡嘅感覺。」
張振朗在劇中呈現「反派式詭異笑容」。
親揭與吳業坤「神同步」拍攝內幕
提到劇集中與吳業坤「神同步」的劇情，他說：「其實呢一個神同步，我哋喺現場嗰度拍先知，導演嘅領導之下，先會出到神同步呢樣嘢。吳業坤要喺現場做全場戲，我又要做一次全場戲，就等佢哋返去剪，睇吓佢哋用邊一個位置，其實係咁樣拍出嚟，神同步其實係我哋兩個同時一齊講，即時背出嚟同埋夾個Timing，唔可以太特登，所以都係要自然為主。」至於在劇中是否會與傅嘉莉有親吻鏡頭，他表示：「梗係啦！公司成日都安排俾我嘅，唔知道開心定唔開心，但觀眾就鍾意睇，所以我覺得又OK，我呢個角色咁棘手點解無啦啦會去錫人呢？」他指當初設定這一個角色不會做主動的一方，並笑言：「其實係處男，冇掂過任何女色。」
張振朗與吳業坤在劇集中「神同步」。
立即更新/下載AM730手機APP 體驗升級功能
