張敬軒第四場演唱會找來Boy’z任嘉賓，難得張敬軒和關智斌(Kenny)同台，引來全場譁然，叫聲更令紅館似足地震。
張敬軒同關智斌過往不時傳出基情，近年有指二人感情轉淡而分手。當晚三人合唱完《死性不改》之後，張致恆(Steven)望向Kenny問︰「點解你會嚟做嘉賓嘅？」Kenny即大聲答：「我鍾意呀，你吹呀？」隨即引來觀眾尖叫。
之後張敬軒同關智斌不停鬥咀，軒仔話︰「既然咁耐冇見，有啲私人恩怨想解決下，網上有人寫咗個故仔，話你哋兩個為咗我喺salon打交，究竟係咪？」Kenny就笑笑口回應軒仔話︰「你諗多咗啦張生！我哋兩個成日打交㗎！」其後軒仔又問Steven為何不出聲，Steven即時抽水話︰「我見你哋咁耐冇見，俾你講埋先囉！」軒仔不忍被對方寸，再話︰「你又知我哋好耐冇見？」
不過Steven並未放過二人，繼續問Kenny為何做軒仔個唱嘉賓，Kenny話：「我來報仇呀。」Steven：「報咩仇？隔夜個啲呀？噚晚個啲仇呀？」又再一次引來觀眾尖叫，更有人高叫「咀佢！咀佢！」搞到現場情緒十分高漲。
