Ad Block Ad Block
娛樂
2024-05-17 13:45:13

張致恒老婆雯雯被癌症病人追數 網民兩邊都唔撐:個底咁花都借

分享:

雯雯被癌症病人斥有借無還 計劃報東張西望 網民:個底咁花都借

張致恒(Steven)與太太區燕雯(雯雯)新聞多多,經常宣布要離婚和經濟拮据,早前雯雯更自爆家中連環發生不幸事件,包括囝囝入急症、愛犬患癌及自己持續肚痛,初步懷疑生腫瘤等等。最近,更有名自稱Cat嘅網民於雯雯社交平台自稱患癌症及自己借咗錢畀佢,但雯雯就從來未還過錢;雯雯亦於留言中直接回覆。

該網民表示雯雯一蚊都冇還過:「雯雯,我係Cat,你想點呀?比咗幾個月時間你,爭我個萬六蚊一蚊都收唔到,包多春魚都收唔到,之前免費送咁多野比你地,你地咁對我?!你好快啲還錢,最多比你分兩期,分兩個月每次還S8000」

「多謝你當初主動出現幫我地」

佢又表示諗住報東張西望:「所有Payme過敷記錄同埋WhatsApp我都有keep,唔好迫我公開哂:「我真係諗住搵東張西望,標題係:『寧願呃癌症病人錢,都唔願意出去打工既前偶像夫妻。』」

該網民更表示預咗會畀比雯雯del留言加Block,不過雯雯今次就無Del任何留言,更回覆指自己而家未鬆動可以去還錢:「首先,我好多謝你當初主動出現幫我地。我從來無諗過呃你,只係我宜家未有鬆動可以還到比你,就算其他人我同樣都係未還,當初你主動企出黎幫我地嘅時候,我都有同你溝通我無咁快有能力可以還到錢,你亦話你明白,至於你兩包多春魚,我冇左你地址,你block左我,我根本聯络唔到。」

「我有講清楚我無咁快還到比你」

雯雯續指,就算對方公開都會尊重:「當中亦可以證明到我有講清楚我無咁快還到比你,所以不存在呃你錢。最後希望你unblock我,比返你地址我寄比你。亦祝你健健康康。」

網民於討論區討論事件,唔少人都反問點解仲有人畀錢佢哋:「真係會有人俾錢呢對老千夫婦」、「兩個個朵臭晒,仲幫佢哋真係冇得救,人哋周圍借錢開心使錢,結果仲有人施捨」、「呢兩公婆呃錢都唔知得罪幾多人,遲d俾人斬都唔意外」、「個底咁花都借」「大種乞兒呃錢仲呃埋人哋同情心,勸各位有心香港人,唔好再理呢2公婆啦」等等。

原文刊登於 Yahoo 娛樂圈

Ad Block

鐵質食物|(am730製圖)

鐵質食物|(am730製圖) 鐵質食物|黑芝麻、青豆(am730製圖) 鐵質食物|菠菜、紅豆(am730製圖) 鐵質食物|木耳、紅莧菜(am730製圖) 鐵質食物|鴨血、豬潤(am730製圖) 鐵質食物|蜆肉、豬紅(am730製圖)
Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受