黃秋生、姬素．孔尚治、李璨琛及黃定謙等，前晚出席電影《淪落人》慈善首映活動，他較早前接受本報訪問時表示，仍考慮是否出席《金像獎頒獎禮》，他說︰「我費事俾人剪，到時你個金像獎冇咗個男主角就無謂啦，唔想影響到人！」黃秋生笑言因為沒錢買衫。
(相關新聞︰http://bit.ly/2G5jiip)
不過，黃秋生似乎已變主意，透露已準備好戰衣出席《金像獎》，他說︰「其實我之前都仲考慮緊，但身邊啲朋友就叫我唔好幼稚。我怕招惹是非，講嘢又要就住就住，講完又驚誤會，但係見到大家咁愛護，又咁受觀眾歡迎，咪去囉！」雖然被視為影帝大熱門，他卻表示他看好吳鎮宇或周潤發奪獎。被問到《淪落人》為他帶來不少獎項，可會令收入增加？他回應說︰「又冇喎，以前咁樣會有好多，依家冇，我都當咗自己有大半隻腳踏出娛樂圈，打算去畫畫或者進行下紫微斗數，遲些轉行睇風水、幫人開盤。」
李燦琛對獎項抱平常心
憑本片角逐金像獎最佳男配角的李璨琛，表示已看過幾位對手的戲，各有特色，自己抱平常心，「我信心一半半，盡量投入當作參加party見朋友。」他最希望《淪落人》班底能夠獲獎，恩師陳果獲得最佳導演獎。早前他因醉駕被罰停牌及上駕駛改進課程，他表示已經上完課程，體會很深，對於本月底可重獲駕駛執照，他說：「今次係好好經驗同教訓，經歷一年冇揸車，覺得坐車都幾方便，計劃接載阿女出入才揸車。」
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
