姚焯菲(Chantel)今日出席劇集《愛．回家之開心速遞》宣傳活動。（娛樂組攝）
姚焯菲(Chantel)今日出席劇集《愛．回家之開心速遞》宣傳活動。Chantel接受訪問透露即將到美國升學，並表示：「確實咗差唔多就要飛啦！今日係最後一個公開活動，但之後都會有啲工作係拍劇，行李都仲未執好。下次返嚟就係12月。暫時未安排任何工作，但都會籌備新嘅歌。」她預告年尾會參加樂壇頒獎典禮，不過對於獎項就是平常心。
Chantel預告年尾會參加樂壇頒獎典禮，不過對於獎項就是平常心。（娛樂組攝）
暫別劇組大感不捨
講到暫別《愛．回家之開心速遞》，是否感覺不捨得，她直言：「係呀！因為都係呢度學咗好多嘢，每一次返到錄影廠都好似返咗屋企咁。我由細到大睇《愛．回家之開心速遞》，所以一入到嚟都已經覺得融入咗，好唔捨得。」
難忘拍攝連踩12小時
被問到演戲是否自己的夢想，她坦言：「我諗細個嗰陣可能有幻想過，冇諗過真係會夢想成真，我冇諗過會入到嚟《愛．回家之開心速遞》，同埋都冇諗過可以有一個角色可以俾我做。」講到深受觀眾歡迎，她表示：「冇諗過大家都會留意彤彤呢個角色，反應都比我預期好好多。」講到拍攝最長的時數，她表示：「最長試過拍12個鐘，其實都好好，唔會拍到好夜，除非拍外景就有機會有呢個情況，通常錄影廠就係晚上七點至八點就收。」
立即更新/下載AM730手機APP 體驗升級功能
