Ad Block Ad Block
娛樂
2023-01-26 15:29:30

愛.回家|炎明熹驚喜亮相 自爆小學已經係捧場客 大讚廠景極像真

分享:
炎明熹

炎明熹亮相《愛.回家之開心速遞》。

炎明熹(Gigi)自《聲夢傳奇》出道以來獲得極多機會,去年更赴內地參加音樂節目《聲生不息》打開內地市場。人氣高企嘅炎明熹原來早前參與TVB處境劇《愛‧回家之開心速遞》拍攝,並將於今晚(26日)登場,據悉其客串角色名都係「炎明熹」,實行做返自己。

炎明熹

炎明熹在《愛.回家之開心速遞》中演回自己。

炎明熹表示對今次拍攝感到好興奮,表示自己由小學開始已經係《愛‧回家》捧場客:「我有追開《愛回家》,時間許可,我會準時八點鐘喺電視面前觀看,佢哋嘅內容會令到我睇完之後好開心,佢哋每集又會帶出一啲訊息,我覺得好生活化。呢個處境劇我係由細睇到大,小學時係《八時入席》,之後再到後尾有唔同系列。」炎明熹於劇中舉辦粉絲見面會,更會引發連串事件;仲表示與劇中各演員合作感到榮幸又不可思議,見到劇中演員好似屋企人咁相處,互相叫對方阿爸、家姐或者阿妹,而佢哋亦好照顧自己。炎明熹又指劇中最尊敬角色係劉丹,所以爭取機會與對方合照。

炎明熹

炎明熹自言小學時期已是《愛.回家之開心速遞》的捧場客。

Ad Block

喜歡與幕後工作人員相處

此外,炎明熹大讚劇中道具極像真,之前以為新威龍廣場係一個真嘅廣場,只係 Key個名落去,但原來係一個特登搭出嚟嘅廠景:「我覺得好神奇,同埋入面啲產品同店名都好得意,同嗰個𨋢真係好真。」炎明熹自言好鍾意與幕後工作人員相處,覺得大家好似屋企人咁,所以希望儲多啲經驗於日後再拍多啲劇,仲明言:「咩角色都想做。」

炎明熹驚喜亮相《愛‧回家》 炎明熹驚喜亮相《愛‧回家》 炎明熹驚喜亮相《愛‧回家》 炎明熹驚喜亮相《愛‧回家》

原文刊登於 Yahoo娛樂LOL,am730獲授權轉

Ad Block
Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受