Jer毫不避忌，貼出與其組員的合照，當中包括傳出緋聞的Alice。(柳應廷@IG)
MIRROR成員柳應廷（Jer）近日被爆與女友Kelly分手，二人更互相取消關注對方的社交網，其後有傳Jer為《全民造星IV》擔任導師時，暗撻有「翻版朱茵」之稱的參賽者許寶恆（Alice）而激嬲Kelly，Jer及後貼文呼籲外界不要相信，並指報道失實。
今日凌晨Jer就懶理緋聞，毫不避忌於社交網貼出與Alice及其他參賽者的黑白大合照，相中Jer企正中間，而Alice則與他相隔幾個身位，Jer 以長文寫下感受，但並未有特別提及Alice： 「雖然比賽會有好多人落敗離場，但節目就是節目，好多時評判都非常主觀，所以我一直都不喜歡將藝術用嚟比賽... 今集出街之後，又見到自己再係節目度喊到冇晒眼耳口鼻... OK, Fine﹗我係無形象嘅！但其實今季主角係佢哋，我寧願唔好剪咁多我... 將佢哋嘅練習 / 對話放多啲出嚟畀觀眾睇到佢哋嘅性格...」Jer 又大讚參賽者比賽做足功課、並鼓勵他們不要放棄，繼續追夢。
ADVERTISEMENT
20周年「全城撐本地消費3重大激賞」！ 即睇活動詳情！
