娛樂
2022-08-04 12:15:52

戀愛Staycation|情場輸家Stan忽成網民至愛 嘉宏Vicky出雙入對疑似真撻着

分享:
戀愛Staycation|情場輸家Stan忽成網民至愛 嘉宏Vicky出雙入對疑似真撻着

戀愛真人騷《戀愛Staycation》幾位拍檔感情不俗。

ViuTV去年製作的戀愛真人騷《戀愛Staycation》,拍畢半年終在上星期開播,連日來引起網民討論,當中35歲的張俊傑(Stan)在鏡頭前欠缺異性緣,慘成節目的大輸家。對於《戀愛Staycation》拍攝時部份參賽者也成功配對,Stan被拍下的孤伶伶場面成為經典,更令人好奇當日他獨處時發生何事,StanIG撰文回應網民,並寫:「好多人想知佢哋dating嗰日我除咗擦地板之外,我做咗啲咩,其實嗰晚我同節目組講過我想quit game,因為參加個節目真係為咗配對(可能我太認真),到最後冇人㨂我,之後仲有四日我好難再堅持笑住咁同佢哋玩落去,節目組都諗咗一個好好嘅原因俾我離開,結果之後嗰日離開咗個營,反思咗一日究竟應該點行落去。依家我睇返,雖然係好尷尬同失去霸氣,但幸好最後我堅持有返到去繼續旅程,如果我喺中途放棄咗唔返去,呢個回憶會係一世嘅遺憾。」節目的花生友之一陳俞希(Hailey)都有留言,叫Stan「咪再坐地板」。

35歲的Stan在鏡頭前欠缺異性緣,其淒涼情境成為連登網民熱門GIF圖。 Stan拍攝《戀愛Staycation》時相當失意,一度打算先行退出節目。

不過Stan的表現卻獲得觀眾及網民支持,認為他是節目中唯一最貼近現實的人物,尤其更獲連登巴打視為「偶像」,Stan在節目中淒涼情境,就被網民用作GIF圖成為萬能KEY,連Stan自己都有在IG回應,表示細細個自己上高登及連登見到馬德鐘的萬能KEY覺得好好笑、好有創意,沒想到有朝一日自己都做了萬能KEY

《戀愛Staycation》這季已接近尾聲,林嘉宏(嘉宏)與張嘉盈(Vicky)可謂情投意合,近日兩人相約Stan及甄茵(Yan Yan)一同在家中打完邊爐再睇《戀愛Staycation》,網民揣測嘉宏與Vicky已成為現實情侶。至於區晉傑(傑仔)與鄧亦雯(雀仔)雖發展順利,但男方在最新一集卻被鄭杞瑤(Kylie)當眾表白,傑仔獲兩位有料之人爭到出面,令網民大呼羨慕亦聯想到有人是跟劇本照做。

嘉宏與Vicky情投意合,網民揣測二人已成為現實情侶。 嘉宏、Vicky、Stan及Yan Yan昨晚打完邊爐再睇《戀愛Staycation》。 Yan Yan是註冊中醫,亦曾參選口罩小姐。 傑仔和雀仔這一對同樣成為網民焦點。
隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受