娛樂
2022-08-10 18:57:13

戀愛Staycation|芝芝Sophia教手指公之歌 網民睇到勁老尷兼打冷震

分享:

《戀愛Staycation》

ViuTV真人騷《戀愛Staycation》第二季緊接播出,當中23歲嘅「港女芝芝」Sophia Chiu因性格太過天真而引起關注。喺噚晚(9日)播出嗰集,女參加者可以邀請男參加者去約會,而芝芝就同Sunny去約會,期間佢唱《手指公之歌》俾Sunny,睇到一班網民毛管戙同好老尷。

喺噚晚播出嗰集,芝芝首先同Sunny前往手作坊整小手工,期間二人有講有笑,互動得相當唔錯,期間芝芝竟然教佢唱《手指公之歌》,雖然睇到Sunny個樣有少少老尷,但佢亦尊重Sophia,硬住頭皮去唱「第一隻手指公,送俾芝芝」。唔少網民都覺得芝芝好難頂,認為正常對住成年男人係唔會做,留言話:「只要自己唔尷尬 尷尬嘅只係人哋 送隻手指公俾sunny」、「想嘔 睇到好尷尬」、「外人睇係打哂冷震」、「好老尷」、「佢啲手勢好X煩,兒童節目咩」、「我係條仔 我一定一拳鐘埋去」、「第一隻手指公…喂你自己低B就算啦 歡眾唔想跟埋你一齊白痴呀」、「睇到雞皮都突哂出黎」、「睇到差d中風」、「Sunny 唱返第一隻手指公俾gg 聽嗰幕係我個腦到揮之不去」、「打哂冷震」及「首歌勁難頂」等等。

其實Sophia本身係幼稚園教師,一畢業後便喺幼稚園任教直到而家,近排亦進修緊特殊教育。佢係一個好平凡嘅素人,生活圈子好細亦好沉悶,生活只係返工放工,放假就去迪士尼,喺屋企只係睇吓YouTube、動漫、Netflix咁。對於佢參加節目,佢屋企人都好驚訝。Sophia嘅生活圈子以女性為主,加上幼稚園老師大部份都係女性,無咩機會接觸男士,所以佢希望喺節目中搵到另一半。

《戀愛Staycation》截圖

《戀愛Staycation》截圖

《戀愛Staycation》截圖

《戀愛Staycation》截圖

《戀愛Staycation》截圖

《戀愛Staycation》截圖

《戀愛Staycation》芝芝

《戀愛Staycation》芝芝

《戀愛Staycation》芝芝

《戀愛Staycation》芝芝

原文刊登於 Yahoo娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受