Ad Block Ad Block
娛樂
2023-11-28 16:54:56

新聞女王|成Man姐佘詩曼造型參考對象 方健儀自爆淵源 重申「香港冇主播」

分享:
新聞女王|成Man姐佘詩曼造型參考對象 方健儀自爆淵源  重申「香港冇主播」

新聞女王|成Man姐佘詩曼造型參考對象 方健儀自爆淵源 重申「香港冇主播」

TVB劇集《新聞女王》有佘詩曼壓陣,加上以新聞部內鬥為題材夠吸睛,首周收視有24.4點。唔少網民都認為,阿佘劇中角色Man姐(文慧心)造型以至做主播時風格,都同曾經任職TVB新聞的方健儀十分相似。現時主要擔任活動司儀及培訓導師嘅方健儀(Akina),日前開Live時都有提到《新聞女王》,回應網民意見。

 

新聞女王中佘詩曼演Man姐外表剛強。 新聞女王由佘詩曼擔大旗,引起網民回響。 News新聞女王|佘詩曼點名大讚王敏奕做足功課 同李施嬅鬧交扯晒衫 《News新聞女王》昨日在邵氏影城為劇集拍宣傳片。 佘詩曼以女一姿態率拍檔出席《新聞女王》記者會。 佘詩曼以女一姿態率拍檔出席《新聞女王》記者會。

Man姐 方健儀髮型相似有原因

方健儀(Akina),日前開Live時提到《新聞女王》,不過佢早前生病「咳到七彩」,有時間都盡量休息,因此未有睇過劇集。但係Akina提到Man姐髮型似足自己時,就話呢個髮型keep咗幾年,更自爆原來自己嘅髮型師識得佘詩曼嘅化妝師,而佘詩曼化妝師更加喺方健儀結婚當日為她化妝,相當巧合,亦難怪Man姐造型甚有Akina硬淨幹練味道。

方健儀指香港沒有主播,只有新聞報導員。 方健儀曾在TVB任職記者。 方健儀與丈夫洪楚恆在TVB工作時結識,後來結婚。 方健儀既有剛強又有幽默一面 方健儀在LIVE直播中指因身體不適而未有觀看新聞女王

方健儀洪楚恆 朝夕相對擦出愛火花

方健儀喺個live度都有提及過去嘅新聞工作,再次提到「香港冇主播,只有新聞報導員」。方解釋,主播角色類似主持,可以有個人觀點同睇法,海峽兩岸以至歐美地區傳媒都有主播,但香港嘅新聞報導員係將稿件讀出,任何改動都要編輯同意,所以對方健儀嚟講兩者大有不同。

曾於TVB任職記者的方健儀,因工作關係而認識新聞部工程人員洪楚恆,後來更拍拖結婚。方健儀開Live時提到,出外採訪時同洪生一定坐後座,因此朝夕相對。而採訪軼事之中,方提到曾經被派去深圳「放蛇」扮有意隆胸女子,方健儀笑言「可能覺得我身材比較差」。

原文刊登於 Yahoo 娛樂圈

 

請接受以下私隱政策及免責聲明,以示你同意am730內之私隱政策及免責聲明。了解更多
接受