《新聞女王2》眾演員出席宣傳活動。(娛樂組攝)
陳曉華（Hera）和王敏奕今日（2日）出席新劇《新聞女王2》宣傳活動。Hera接受訪問率先透露新劇角色：「今次我就係追擊Man姐（佘詩曼）嘅，我唔係針對佢㗎！佢一定係有做錯嘢，我先會咁樣做。」講到《新聞女王2》預告片其中一幕要求Man姐跪低認錯，她說：「係呀！對我嚟講佢做咗一件事實在太錯，所以一定要佢跪低認錯。」Hera續說上一輯曾試過在Man姐面前跪低。被問到與黃宗澤合作演對手戲的感受，Hera說：「好多嘅場合都會撞到佢，佢成日都會走過嚟同我傾偈，我再偷了解SNK究竟係點樣營運，所以其實我哋係朋友。」
王敏奕延續劉艷精神作風大膽
王敏奕分享《新聞女王2》延續上一輯的角色繼續飾演新聞記者劉艷，她說：「劉艷一直都非常大膽，今次佢多咗一份成熟同埋思考，同Man姐經營一間公司嘅時候都要跟佢學嘢。」講到新劇會否有驚險的場面，她說：「喺預告片都會見到直升機嘅場面，新一輯嘅畫面會更加震撼。」被問到在劇中會否有感情線，她則笑言：「我有感情線嘅，不過究竟係好定唔好呢？就要觀眾去留意啦！」
ADVERTISEMENT
