曹敏寶推出個人華語首支單曲《請你溫柔地傷害我》。
曹敏寶將於本月推出個人華語首支單曲《請你溫柔地傷害我》，由馬來西亞殿堂級監製彭學斌，全力監督製作，彭學斌亦曾為孫燕姿林宥嘉等多位巨星創作無數膾炙人口歌曲。談到今次作品，曹敏寶透露自己花了5位數，她說︰「因為我開咗工作室，所以上一隻《未結束的故事》，同埋今次呢首新歌都係自己工作室嘅出品，一直都係希望喺音樂工作上面做到嘅收入都係放返投資落音樂製作上面，所以我都要好努力搵錢去keep住做我想做既音樂！」
她稱在機緣際遇遇到彭學斌老師，本身沒有特別去選擇再推出的是華語還是廣東話歌。她說︰「我覺得作為一個藝術創作者，或者歌手都好，係要無邊際咁去發掘自己同埋去進步。同埋彭學斌老師嘅歌係非常優秀，可以唱到佢嘅歌係我嘅榮幸。呢首歌可以成為我第一首華語歌曲，我亦都充滿期待。」
曹敏寶指歌曲赤裸剖析夫妻間在相處日子中所差生的距離，可能係因為各自也有事情處理，或者生活上的磨擦，而出現各種不同的掙扎。她說︰「兩個人的相處，不會如詩如畫的去過每一天，生活會迎來不同的挑戰，我很想用這個角度去讓情侶或夫妻之間有一個思考既空間」。她又稱「收到呢隻歌之後其實有好大嘅思考空間，好多時候人與人之間嘅傷害可以好暴烈，其實相處係一門藝術，溫柔都係一種藝術，如果係曾經深愛過嘅人，係咪可以選擇一種減低傷害嘅方式呢？」
她表示《請你溫柔地傷害我》的MV是以選用劇場形式去展現，她說︰「為咗唔想辜負彭老師嘅作品，今次拍攝用咗三日嘅時間。由選角同埋編劇都係我自己一手包辦。MV入邊有一part係要情緒大爆發，要同MV入邊嘅男主角爭執。其實當初我都好擔心自己演唔演到，不過到到真係Roll機我就冇諗咁多，只係拍攝前用咗半個鐘跟自己相處去投入角色。」
曹敏寶亦笑謂差不多全組拍攝團隊也是千禧後的小孩，但他們洞察力驚人，對於婚姻也有很多不同的點子分享，拍攝及後製過程也掌握得非常精細，深深被團隊的熱情及上進心感動。」
談到今次歌曲大談兩性關係，但以夫妻的角度出發，她說︰「我係好想寫實咁樣去描述一段關係，所以我選擇咗喺夫妻嘅角度去描繪呢隻歌。兩個人既相處，一定會有爭執或者產生磨擦嘅時候，甚至乎距離感會遠咗，個MV我都會用咗一啲真實嘅情況點解會產生左距離，可能係相處嘅時間，可能係生活中嘅誤會，可能係各自嘅疲憊，但最後其實都係要無忘初心去努力維持嘅關係。我都希望聽眾會有啲共鳴。同埋首歌嘅故事亦都係自己一手編寫。」
曹敏寶將於8月9日出席簽唱會。
ADVERTISEMENT
送 CulinArt 1862 HKD500元餐飲禮券及八月四大購物展入場券！
