曾醒明出席EYT聚會，當提及離世的好友時，不禁有點眼濕濕。（娛樂組攝）
曾醒明昨日（4 日）出席EYT聚會，他與馮淬帆相識超過40年，「我同佢算係喺演藝界係幕前較為交心嘅朋友，所以對佢辭世，感覺到不捨同婉惜。」他透露10月31日晚上11點收到馮淬帆的死訊，自己當下不敢相信，直至翌日才確認，感到非常難過。
曾醒明表示前年跟他曾見面，知道他最近身體不好，今年更住過兩個月醫院，出院後身體非常弱，需要用呼吸機維持生命。他說：「佢辭世前兩日，我都喺Facebook通知Benz（許紹雄）離世，因為Benz喺我哋幾個幾傾得埋嘅，佢係不捨，佢喺facebook講咗啲唔係幾好嘅說話，我估佢心中有數，估唔到係一語成讖，講起上嚟，係非常令人難過。」
馮淬帆盼可以在金門海葬。
曾醒明表示馮淬帆長期獨居台灣，其外甥近日已趕赴台灣處理後事，台灣的朋友協助籌辦喪禮，但細節尚未敲定。他稱自己早前已安排下星期赴泰北山區工作，無法到台灣出席馮淬帆喪禮，但已托台灣朋友幫手，及代他們去致祭。」
問到馮淬帆可有未了的心願，他說：「佢心願係希望想拍到啲佢想拍嘅電影，可惜今時今日都唔能夠實現佢個遺願。另外佢都提過話想喺金門海葬，但呢個就要睇佢屋企人係咪會遵照番去進行。」
