娛樂
2022-08-08 23:06:01

有個閨密叫祖藍|胡杏兒爆錫完黃浩然即嘔 封最差接吻戲經驗

分享:
祖藍一見到胡杏兒就不停多謝她幫忙。

祖藍一見到胡杏兒就不停多謝她幫忙。

由王祖藍擔任主持、一連八集的《有個閨密叫祖藍》,昨晚(7日)十點半無綫翡翠台播出第二集,請來嘉賓胡杏兒與主持祖藍大玩「閨密快問快答」,還在製作組安排下與「偶像」曾比特(Mike)於卡拉ok大玩「閨密不息」、在「祖藍廚房」中大展廚藝,以及挑戰「Truth or Dare」。

myTV Gold加長版中,杏兒除了以對戰形式與Mike合唱《現代愛情故事》,還額外獻唱了《千言萬語》,笑指大仔曾聽到落淚:「我老公好鍾意呢首歌,大仔一歲時我唱過呢首歌畀佢聽,我唱到佢流淚,好似好感動咁,唔知係咪我唱得難聽呢?哈哈!」

Mike是祖藍與製作組誠意邀請上節目,為杏兒送驚喜。

Mike是祖藍與製作組誠意邀請上節目,為杏兒送驚喜。

杏兒廚藝了得

談到杏兒,祖藍讚不絕口,直指杏兒「牛」性甚重:「佢好勤力、好顧家、好錫老公、好錫小朋友。佢都話辛苦,就真係好辛苦架喇。」祖藍又大爆私下與杏兒私交甚篤:「真係要多謝你,每次娘家搵你,你都好幫手。」杏兒與祖藍其後轉戰廚房陣地,杏兒煮碗仔翅,祖藍主攻咖哩魚蛋,祖藍對杏兒手勢讚口不絕,對此杏兒笑言有想過退休後賣碗仔翅,祖藍聞言即舉腳贊成。

拎李思捷做擋箭牌

二人邊食邊玩「Truth or Dare」,並先後面對製作組設計的一連串刁鑽問題,例如「最驚收到邊個TVB藝人朋友嘅電話」等。對於要拉朋友落水,杏兒相當頭痛,此時祖藍竟想到拉「負評王」李思捷落水謂:「有冇討厭嘅人?李思捷嗰啲呢?」杏兒聞言即開懷大笑,並緊接爆料謂:「佢唔會打電話畀我。」之後二人五時三刻便拉「李思捷」做擋箭牌,證明思捷私下相當玩得。

杏兒與祖藍不停提李思捷。 當祖藍話想撮合高海寧同TVB某藝人時,杏兒即時露出八卦樣。 李思捷老是常出現 。

同黃浩然咀到嘔?

問到「最差一次接吻戲經驗」時,杏兒苦思良久後竟想到超爆笑陳年經歷謂:「我記得係拍《當狗愛上貓》,嗰場戲其實冇乜嘢,但我唔知係個胃唔舒服定點,錫完之後我當場嘔。」之後,談到最不滿意一套劇集時,杏兒直認「好多都唔滿意」:「我最唔滿意《衝上雲霄》,因為算係第一次戲份咁重,我嗰時真係唔知自己做緊乜,因為第一次覺得自己要有角色嘅鋪排,我覺得好迷惘同好驚,所以永遠回望番都覺得自己可以做得更好。」

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受