Ad Block Ad Block
娛樂
2024-02-05 19:01:05

本尊就位|謝東閔係美斯忠粉只求偶像講幾句 孔德賢︰美斯黑口黑面咁

分享:

孔德賢、謝東閔表示見到網上的評價不俗。(羅錦鴻攝)

無綫劇集《本尊就位》兩位男主角孔德賢和謝東閔到到雲泉仙館向呂祖祈福,並派揮春為劇集宣傳。劇集已開播一星期,兩位男主角謝東閔和孔德賢表示有留意觀眾反應。謝東閔毫︰「冇俾人鬧,口碑都唔錯,所以好開心。」問到二人都孭重飛,可有收視壓力?謝東閔就表示賀年劇,最緊要可帶歡樂俾香港觀眾。」談到最深刻的評語,孔德賢表示:「有留意佢哋話我演技未夠資深,仍需努力,亦有人話劇集好啱送飯,另外有人覺得好有TVB以前神怪劇嘅味道,回憶殺。」

 

《本尊就位》今日(5日)到雲泉仙館宣傳兼祈福。(羅錦鴻攝)

要求陳嘉慧請食飯

謝東閔與孔德賢異口同聲表示女主角陳嘉慧欠他們一餐飯,因為宣傳工作全落在他們身上。他們透露會跟陳嘉慧發展三角關係,但全都是單戀關係,而現實中三人就因為今次合作培育出很好的友誼。問到兩人若下次合作想合演甚麼時,他們打趣說可以拍足球題材,一個做觀眾一個不落場。

 

Ad Block

《本尊就位》今日(5日)到雲泉仙館宣傳兼祈福。(羅錦鴻攝)

孔德賢︰美斯團結咗我哋

提到足球話題時,美斯忠實粉絲謝東閔表示心情有些複離︰「有少少傷心、少少失望,但又興奮見到佢,失望係佢冇落場。」他表示過去曾特地飛往西班牙捧場,今次偶像來港當然不容錯過,可惜事與願違。在旁的孔德賢笑言是騙案,「突然間全香港都好同步,美斯團結咗我哋!」

謝東閔︰美斯唔係好開心咁

謝東閔無奈表示「希望主辦單位俾個交代,相信都係在場四萬人嘅心聲,希望佢嚟補賽啦!最緊要佢開心啦(孔:不過佢黑口黑面咁……)係啦!好似都唔係好開心咁。」孔續說:「佢以前喺沙特踢咗8分鐘,以為香港會落場踢5分鐘……」謝東閔再次表達訴求,「其實所有嘢都唔重要,佢出嚟講兩句都好吖。」他聽聞有球迷特地花一萬元買機票,再買飛入場,真慘情。

請接受以下私隱政策及免責聲明,以示你同意am730內之私隱政策及免責聲明。了解更多
接受