2019-10-03 19:55:00

朱茵出席巴黎時裝周時尚顧問原來是阿Paul

朱茵近日受邀出席巴黎時裝周，短短數日觀賞了多個時裝騷，第三次受邀參加時裝周的朱茵，心情仍然興奮，「我覺得出席時裝周最好玩嘅地方，就係可以嘗試平日較少接觸嘅衣著打扮，同時以朝聖嘅心態，吸收最新時尚資訊。喺巴黎短短幾日，見到當地人喺穿搭上充滿自信，呢方面好值得我哋借鏡，每個人都應該具備自信。」

問朱茵她的時尚顧問，原來是最親密的枕邊人黃貫中(Paul)：「平日經常同老公交流打扮心得，我最鍾意問佢意見，佢一話顯肥，我就唔會買；如果佢話靚，我就一定會買，始終佢曾經攞過『十大衣著人士』，同埋佢係一個唯美主義者，所以我絕對相信佢嘅眼光，呢一種時尚交流，都係兩公婆嘅情趣，哈哈。」