Ad Block Ad Block
娛樂
2023-09-30 20:23:31

李克勤我們的交響樂澳門演唱會 盧淑儀帶囝囝舉家撐場

分享:
李克勤我們的交響樂澳門演唱會 盧淑儀帶囝囝舉家撐場

李克勤於澳門倫敦人與澳門管弦樂團舉行一連四場《我們的交響樂演唱會》。

李克勤中秋於澳門倫敦人與澳門管弦樂團舉行一連四場《我們的交響樂演唱會》,跟樂迷共渡中秋, 由於克勤父母都是澳門人,所以今次不單太太盧淑儀及兩個兒子,外父外母都齊來支持,一起於澳門渡過一個熱鬧的中秋。

昨晚頭場,克勤以《月半小夜曲》跟大家一同於舞台上賞月,倫敦人歌劇院完美無瑕音色,聽得觀眾如痴如醉,演唱會過後有歌迷寫下觀後感, 「他的歌大多有藝術性,普通人唱不來,絕對是天花板級别的佳作!」亦有歌迷覺得時間太短, 意尤未盡,投訴演唱會好似太短,準備再翻頭睇多晚, 這些評價都讓克勤十分開心,他謙稱,「咁我又未到天花板..噚晚升何丙出來, 不停升,差啲就真係升左佢上天花板, 笑死我。我啲歌好多都好夾管樂,管樂升華加持再重新編曲之下,大家可能因為咁感覺到藝術性。觀眾覺得時間太短就真係好啦, 其實一啲都唔短,係個騷好睇大家先會覺得唔夠喉。」昨晚演唱會中克勤跟觀眾互動大合唱《紅日》,全場近萬觀眾一齊high,他於舞台上說好榮幸,入行幾十年很多歌都是廣東歌,不過有幾首歌真的是讓不會廣東話的人,為了可以唱到而去學廣東話,《紅日》就係其中一個好例子,無論去到世界各地咩地方,無論佢地係講緊英文國語、潮洲話、上海話,都識唱《紅日》,呢件事真係幾榮幸。唔單止帶動到廣東歌、廣東話,亦都帶到正能量比大家。」

Ad Block
Ad Block
克勤太太盧淑儀及兩個兒子,外父外母都齊來支持。

克勤太太盧淑儀及兩個兒子,外父外母都齊來支持。

澳門過中秋,克勤謂以為未必有月餅食,點知去到澳門,歌迷、朋友、重有特別嘉賓梁玉瑩(表妹)都送月餅, 「成個後台有幾十盒,真係好誇張。咁做騷我唔敢食咁甜嘢, 但都有食少少一啖仔應下節。其他留俾工作人員同屋企人食囉。」是次演唱會, 克勤表示最難忘是酒店的貼心服務,為他作了最細心的安排,他必需公開向酒店致最深的感謝,「過澳門之前,酒店有問我服務上有什麼需要,盡力安排。我話其實我想要一張好硬好硬嘅床,因為之前自己已經忙,一返香港又貪玩,明明個人都攰,重要去打波,就又傷番條腰,搞到之前試過行路都要拐仗撐少少力,嚟澳門之前我都已經日日針咎物理治療,治療師叫我要訓最硬的床,咁先可以快好啲同埋唔容易再閃親, 我之前係屋企直頭係訓地下。酒店點可能有地下咁硬嘅床?所以我都係咁易講下,唔抱希望啦,點知到步倫敦人真係做到為客服務的100分,佢哋係我張床的床褥下面, 直頭放左塊木板,係我咁多年走遍大江南北第一次得到服務,見到塊板個一刻,直頭真係感動到眼濕濕啦,邊有咁好㗎,真係要公開多謝佢哋呀!綵排完我成身散晒返到房,撻落床個一刻我十足條死魚撻落砧板上一樣,個心隨左感恩都係感恩。演出得咁好,酒店務服真係功勞好大。」

Ad Block

今次澳門演唱會, 克勤不單換上全新Rundown 全新制作,同香港演唱會不一樣,連舞台服裝都全新, 不少歌迷大讚他衣著配撘得宜,於網上留言: 「白色裙子跳護花使者,很有感覺~黑色披風跳秒針,帥到起飛修身西装唱大会堂,真是太會配了。」昨晚克勤跟觀眾打招呼,講中秋節快樂,就已經有觀眾即時大叫,「好靚仔呀!」他笑道,「咁假的說話你都講嘅?哈哈。對於著衫,坦白講我真係唔識,全是太太功勞。我平日出門最多就係波衫波褲,因為不用工作出門我就係打波,哈哈。」

Ad Block
李克勤於澳門倫敦人與澳門管弦樂團舉行一連四場《我們的交響樂演唱會》。 李克勤於澳門倫敦人與澳門管弦樂團舉行一連四場《我們的交響樂演唱會》。 李克勤於澳門倫敦人與澳門管弦樂團舉行一連四場《我們的交響樂演唱會》。 李克勤於澳門倫敦人與澳門管弦樂團舉行一連四場《我們的交響樂演唱會》。
請接受以下私隱政策及免責聲明,以示你同意am730內之私隱政策及免責聲明。了解更多
接受