2025-07-03 15:02:56

李治廷與王力宏「雙胞胎」站台現身尖沙咀活動自薦拍賽車片唔使替身

李治廷（Aarif）今日（3日）與內地演員常華森現身尖沙咀出席時裝品牌活動，久未在香港露面的Aarif受訪時分享近況，近年除了忙於內地拍攝工作，他亦在內地不同城市參加賽車比賽，他自爆早前參加賽車比賽炒車，現正重整旗鼓，備戰10月在北京舉行的比賽。談到畢彼特的賽車片《F1電影》全球大熱，他直言仍未有時間入場觀賞，但就好想有機會拍賽車片，表示：「完全唔使用替身，任砌冇所謂。」

原來他自兩歲開始已被父親洗腦，李治廷稱：「我兩歲已爸爸被不斷灌輸F1賽車邊個勁，點解勁，賽車運動員要經歷啲乜，我因為佢而鍾意咗，但佢就同我講，如果去澳門(比賽)，就唔好返嚟搵我，希望慢慢可以說服佢。」他表示其實父親也有觀賽，盼能逐步建立自己和家人去的信心。其實他去年在寧波首度出賽，同場還有郭富城，上周往福建比賽，在37度高溫下穿冰衣作賽，「不過件冰衣喺第二個圈壞咗，全程模糊揸車返終點。」最終輕微炒車，但無大礙。

談到上月擔任王力宏北京演唱會嘉賓，兩人向來被指「撞樣」，一同站在台上猶如雙胞胎，李治廷表示由王力宏團隊主動邀請，「佢敢嗌，我咁嚟！好開心，由細到大唱K都係聽王力宏嘅歌，都想挑戰佢高音，期待佢新歌，竟然可以同台合唱佢嘅歌，可以話係一個里程碑。」原來兩人經成龍介紹認識，「我第一次見佢以為眼花，跟他說：『力宏哥你好』，佢話：『我的雙胞胎弟弟』原來佢都知。」

問到可有留意網上流傳他與王力宏和浦巴甲的「三胞胎」合照，他笑言：「唔想睇都要睇啦！其實我同浦巴甲不熟，但識咗力宏哥熟咗就唔覺似樣。」Aarif表示現正加錄唱新作品，保證說：「廣東歌係不能放棄。」但暫無意與王力宏推出合唱歌，希望先建立自己風格，他又稱「撞樣」話題已講了多年，希望可逐漸終結。