李璨琛太太公開第二胎超聲波相 有個豬鼻與Lucy十足餅印

李璨琛與太太梁志瑩的4歲囡囡Lucy（李元元）向來鬼馬兼可愛，深受網民歡迎，其社交網坐擁逾38萬追蹤者。今年9月在李璨琛的生日，其太太便在Lucy帳戶公開喜訊，表示造人成功懷有第二胎，Lucy快將榮升家姐！

昨日，懷胎7個月的Lucy 媽便在社交網公開3張超聲波照片，相中清晰可見bb的正面，無論面形和鼻仔都與家姐Lucy十分相似，非常可愛，Lucy媽就未有公開性別，她笑言：「是男是女就遲啲開估，不過有一點肯定嘅係，佢同阿家姐仔Lucy一樣係有個豬鼻，同埋一樣係有個大頭 #第七個月 #終於算見到個樣 #咳到個老母肺癆先咳走到隻手影到個正面」，不少網民也紛紛留言猜測第二胎是男生，更有人笑謂：「即係Lulu2.0啦」、「要Lucy拎返啲公仔實習下，好快要幫手湊bb」。