Ad Block Ad Block
娛樂
2024-06-11 16:28:15

林嘉欣同學因過胖引起心臟問題離世 預告年底回歸拍攝

分享:
林嘉欣拍攝宣傳片籲大眾關注肥胖症。

林嘉欣拍攝宣傳片籲大眾關注肥胖症。

林嘉欣早前拍攝廣告宣傳片,宣傳片旨在提高大眾對肥胖症的認知和關注。廣告中,她的對手是白雪雪、肥嘟嘟但確診了肥胖症的「表弟」,由於「表弟」是以CG動畫製作,故拍攝當日,導演特意安排真人穿上11服飾,神還原「表弟」與嘉欣對戲。期間,她憶起讀書時期一位患有肥胖症的好友,最後該摯友因心臟問題離世,嘉欣深感惋惜外,亦呼籲肥胖症患者及早諮詢專業人士意見。

 

林嘉欣表示其同學因為過重,心臟出現問題而離世。

林嘉欣表示其同學因為過重,心臟出現問題而離世。

嘉欣憶起高中時期的一位同學,她說:「佢屋企三兄弟姊妹得佢有肥胖症,十幾歲已經200幾磅,個個月都要去磅重。佢坐我隔離,會成日問我有冇散紙,我有就畀佢。但原來佢屋企人唔會畀錢佢,因為驚佢買零食,仲會自製飯盒畀佢。後來我發現好似好心做壞事,之後佢每次問我,我都會話『唔好意思,我冇散紙呀』」。

嘉欣後來出席舊生聚會時,從校長口中得知對方離世的消息。她說:「校長同我講佢過咗21歲生日就走咗,因為肥胖症引起咗好多身體嘅狀況,Heart Condition唔好,知道咗之後好心痛。」她還透露對方唱歌很好聽,對於好友的離世感到非常惋惜。嘉欣說:「同學呢個經歷令我明白到,如果你有肥胖症,係可以諮詢好多專業人士意見,監察住肥胖嘅狀態,呢個好關鍵,為咗健康嘅生活。」

Ad Block
林嘉欣表示因為天氣問題,拍攝時間三度更改。

林嘉欣表示因為天氣問題,拍攝時間三度更改。

拍攝三度改期

嘉欣透露早前受天氣影響,拍攝三度改期。幸好當日陽光普照,順利完成拍攝。她說:「本身月頭就要拍,但遇到好多天氣唔理想,改咗幾次拍攝日期。因為我哋要喺室外做好多運動,我又唔想『表弟』凍親,所以今日趁好陽光就拍。」宣傳片於西環海旁取景,經常有飛機以及船隻經過,團隊多次因收音問題需要暫停拍攝。嘉欣笑說:「我哋要現場收音,一係就有飛機、一係就有船,收音師不停話『唔得呀,有聲』,我就問導演係咪特登揀呢個Location,佢話『唔係呀,疫情時嚟睇景好靜㗎』。但唔怕,今日藍天白雲,同『表弟』拍出嚟嘅嘢會靚好多,一切都值得。」

年尾拍戲

至於今年的工作大計,嘉欣表示:「會不停飛,好開心會有好多新嘅合作夥伴。68號至30號會喺位於台北嘅純Object藝術空間舉辦我首個陶藝展『Broken Beautiful』,會由香港帶31件花器創作到當地展出。今次我要做比較大嘅器皿,練習時都不停失敗。呢個係一個新挑戰,從中學習,今年年尾就會拍戲。」

請接受以下私隱政策及免責聲明,以示你同意am730內之私隱政策及免責聲明。了解更多
接受