娛樂
2024-06-16 17:39:58

林家謙鄭子誠合作做父子 自嘲歌藝被人彈似胖虎

分享:
林家謙與鄭子誠在廣告中飾演父子。

林家謙與鄭子誠在廣告中飾演父子。

林家謙日前出席昂坪360多啦A夢展覽活動,自爆是該部動畫fans!除出席活動外,他更被邀請拍攝廣告,穿上黃色經典上衣重現「大雄」造型,更與鄭子誠飾演父子:「呢條片又唔係扮大雄嘅,係講我同鄭子誠前輩嘅父子情,成個感覺都好溫馨呀?今次係我哋第一次合作,感受到對方嘅專業,學吓咩叫做『演技』。」

林家謙的造型跟大雄有些相似,都是黃色上衣戴眼鏡。

林家謙的造型跟大雄有些相似,都是黃色上衣戴眼鏡。

林家謙當日趁機四圍打卡,「平時呢度好多人,今日趁着拍廣告片周圍封晒路,可以靜靜地打吓卡!希望第時有機會嚟呢度拍下MV。」他自嘲是金魚記憶,希望靠法寶記歌詞,因此很想要「記憶麵包」。他說:「其實我同胖虎都有啲相似之處,就係大家都好鍾意唱歌,不過細個嘅時候成日俾人彈唱歌唔好聽,當時我都好想好似多啦A夢咁咁受歡迎。」

他又笑謂自己沒有小朋友的market,入行以來未曾唱過兒歌,亦不及Tyson Yoshi般受小學生「歡迎」,他說︰「如果邊個咁大膽搵我都想試吓嘅。另外我都想試吓做電影配音,不過唔知可以聲演啲咩角色,超級英雄就肯定冇我份,我把聲都唔夠霸氣。」

adblk5
林家謙當日趁機四圍打卡。 林家謙當日趁機四圍打卡。 林家謙當日趁機四圍打卡。

鄭子誠就大讚林家謙專業,仲搞笑話自己係佢fans:「佢唱歌點會似胖虎啊?我都好欣賞佢嘅歌,佢係好有才華同個人風格嘅唱作歌手!今次拍攝我話俾人知會同佢合作,不知有幾多姨姨羨慕,仲話想跟埋嚟見吓佢添,你就知佢幾咁受歡迎!」

林家謙與鄭子誠在廣告中飾演父子。

林家謙與鄭子誠在廣告中飾演父子。