柳應廷JerJer早前接受商台《叱咤樂壇》謝茜嘉和Woody訪問，為新歌《大人之後》宣傳。(截圖)
柳應廷Jer於月初(6月7日)在灣仔海濱舉行《大人之後 - Live Together》，吸引逾千歌迷聚集，Jer早前接受商台《叱咤樂壇》謝茜嘉和Woody訪問時，仍非常回味，busker出身的他估不到相隔5年才終有機會再舉行busking，當晚他帶同4位樂手演出，唱了14首歌，猶如mini Concert，Jer解釋，「儲咗5年嘅貨，有好多歌想唱，我經歷咗5年，已經係一個專業表演者，所以想請專業樂手，令音樂底豐富啲。」不過他翻唱咖啡因公園的《走》時，就純粹孭着結他自彈自唱。精心挑選的歌單都是曾經鼓勵Jer或近期合作歌手的作品。他認為busking純以簡單配樂或歌聲與聽眾交流，跟大型場館演唱，大有分別，「例如會展對fans嚟講，距離感有啲遠，喺聚光燈底下又見唔到大家過樣，feel唔到即時互動，但上次busking單靠街燈已望清佢哋個樣，開心唔開心都可即時知道，聽到佢哋反應，可以近距離交流。」
奪陳健安第一次
當晚選唱的作品，主要圍繞成長為題，也配合Jer今年的專輯和歌曲主題，惟MC張天賦的《說謊者》和陳健安的《戀愛腦之死》，因在上月底的KKBox風雲榜音樂會crossover合唱，意猶未盡，而《戀愛腦之死》亦是不少「柳柳粉」(fans暱稱)歌迷的「願望歌單」，不過對他自己表現不太滿意，「我要覆灼，呢首歌rehearsal練咗好耐都冇甩過，但嗰晚可能太心急，拍子衝得太快，又甩咗歌詞。」新歌《大人之後》請來陳健安作曲，其實安仔的歌一直都在Jer的play list，「佢係一個好有想法嘅人，對人生和生命都有好多思考，所以一直都想搵佢合作，但我都係首歌出咗街先知道原來佢喺第一次幫人作曲。」他笑言，在不同場合遇見陳健安都親自邀曲，估不到安仔在兩個星期內已有初步構思，多謝對方用心為自己作曲。
柳三歲曾無懼玩跳樓機
填詞方面，Jer找來第一次合作的Tim Lui，從開始已構思寫一個回到3歲無憂無慮的童真故事，「大家都叫我柳三歲，我個人都係帶住天真看世界。我細個玩機動遊戲係可以玩跳樓機，(3歲玩跳樓機？)我諗大約6至7歲，起初以為咁正有得玩機動遊戲，上到去原來咁驚，但那一刻對世界的闖盪探索都開心。」不過，此後他就沒玩過跳樓機，但會盡量嘗試挑戰不同機動遊戲。他透露歌名原本叫《度身訂造》，第一稿歌詞已喜歡，「小時候想穿爸爸的西裝做大人，當變到大人之後，唔係想像咁，你嘅膊頭重咗好多，負擔多咗很多，就會發現根本唔鍾意著西裝。」問到小時候是怎樣的孩子，Jer自言是兒時安靜又聽話，沾沾表示，「每次去學校見家長，老師都會讚我聰明拎利乖巧。」最懷念是暑假踢波，喜歡與同齡朋友落街踢波等。
改唱腔 如耳邊低訴
新歌尾段加入Leo的口琴聲伴奏，原來與吳林峰的《秋修》有關，事緣Jer聽了此歌後向監製王雙駿提議，「我覺得口琴的加乘，可以令一首歌warm啲，口琴好有穿透力同年月嘅質感，可以係經歷好多，亦可以係好青春。」今年推出的《不要活成自己討厭的模樣》和《大人之後》，Jer的唱腔明顯有別於以往，先凸顯人聲，再逐漸加入不同樂器，向來有學唱歌的他，今年主力研究如何放輕聲線仍能唱得動人，「因為歌曲要求唔再係好用力去講故仔，純粹好簡單好輕聲線，就好喺你耳仔側邊講嘢，所以對聲音嘅要求都高好多。」作為歌手，他直言要尋找持續發聲的方法，好好保養聲線，戒掉過去很用力的唱法，不讓自己唱得太吃力。
或出限量版黑膠
談到個人專輯的主題，「柳三歲」開始感受「大人之後」的壓力，欲言又止，Jer只透露關於長大之後的課題，提到有不少聲音希望他推出情歌，情歌可會是他的枷鎖時，Jer即時秒速答道，「我冇乜枷鎖，歌詞都說『對束縛說bye bye』！」他自言很多時都比較任性，以作品表達人生觀。問到今年可會推出情歌時，他就表示不劇透，強調不排任何可能性，其創作範圍也容納愛情元素。至於他讀書年代的愛經驗，Jer自言中學讀男孩，沒試過收女生的情信，「會去christmas ball，不過都係純粹企喺度，即係『那年十八母校舞會站著如嘍囉』，就係我，望住男女孩的同學，同女仔對話揮曬自如，我哋企埋一邊。」他表示在最後問到專輯是黑膠或CD，他就表示尚未定案，「我第一集碟係黑膠碟，買咗黑膠機嘅朋友都好多，而黑膠紀念嘅價值好高，依家有復古潮，我都好想做黑膠，繼續做有價值的作品，可能係limited edtion。」