梁朝偉現身並頒獎予多位學童，並為大家打氣。
梁朝偉今日到油麻地為「兒科醫學會鵬程奮進堅毅獎學金2023頒獎禮」擔任嘉賓，這亦是他早前被指跟程瀟搭上兼有私生子傳聞之後，首度現身。偉仔的心情不俗，而且更成大家的集郵對象，他都來者不拒，但未有接受傳聞訪問。他在活動上以自身的經歷去勉勵年青人，他說︰「我都係來自基層家庭，我覺得每個人都有啲缺憾，有啲喺生理上，有啲係心理上，我自己都係。我係單親家庭長大，記憶中，6、7歲嗰陣爸爸就消失咗，我同妹妹都係由媽咪一手湊大。因為家庭環境唔好，中學未畢業就要出嚟做嘢幫補家計。」
梁朝偉心情不俗。
梁朝偉︰要做到心中要求
偉仔自言在工作5、6年的時候，很幸運地找到一份自己有興趣的工作，並認為在工作過程中知道自己讀書不多，但可以出去進修，認真對待每個工作。他說︰「我唔敢講今日自己好成功，但係起碼做到自己心目中嘅要求，我覺得同大家一樣，只係個普通人，如果我都可以，我相信所有人都可以。」