消失多年的潘文皓，看完《梅艷芳》後打卡。
天后梅艷芳的親姐梅愛芳，2000年去世時，遺下7歲大兒子潘文皓、5歲細兒子潘進皓，其夫潘立德由於傷心過度，帶同梅愛芳的骨灰及兩位愛兒離港生活，由於沒有交低去向，梅艷芳在離世前最遺憾是未能找回兩位姨甥，雖然最終潘文皓與潘進皓最後有在梅艷芳的靈堂前出現，送別姨姨。
兩姐妹一起成長，感情甚深。
近日28歲的潘文皓，於Facebook發文悼念母親及姨姨梅艷芳，消失20年，終於再度出現公眾視線，潘文皓寫道：「昨天是我第二次在戲院看了Anita梅艷芳。我已經數不清我流咗幾多次眼淚。我睇完之後我嘅情緒也不能夠好輕易咁平復落嚟。在戲裡面。Ann講咗一句「我不知道能不能看著他們長大。」媽咪，雖然你唔可以喺呢度睇住我同細佬長大但係我知道你係天上一直有看顧住我哋。正正因為係咁我知道我唔可以令你失望令你擔心。我會好似你咁有着積極樂觀嘅態度面對困難和挫折。」
梅艷芳伴家姐梅愛芳出嫁。
在個人資料一欄填於加拿大溫哥華英屬哥倫比亞大學畢業的潘文皓，又寫道：「姨姨，你將你嘅生命奉獻左俾舞台俾音樂同埋你啲歌迷。無論你喺邊度都好，我都希望你可以感覺到滿滿的幸福，因為到今時今日仍然有好多人愛著你懷念著你。你講過「只要有信心，没難事。」我亦會好似你咁抱着一份不願輕易放棄嘅精神生活下去。我看到還有那麼多人在支持著你想念著你我真的真的很感動。希望大家可以跟我一樣，繼續把她們放在心裡同埋捉緊著她們對生活積極樂觀永不放棄嘅態度憑着信心咁去過生活。媽咪，姨姨，我永遠以你們為榮。」
潘文皓、潘進皓送別姨姨梅艷芳最後一程。