楊千嬅感觸分享入行30年心聲。
楊千嬅日前（7月16日）是她出道30周年紀念日，除推出廣東新歌《Live MY Life》，並預告會在紅館開騷。千嬅更派福利特意開直播與粉絲互動，並分享入行30年以來的心聲。
千嬅表示︰「因30年前嘅今日，我喺演藝學院(新秀)比賽，我都唔係好記得當日嘅心情，就咁入咗娛樂圈喇！」她續指：「其實當年我係輸㗎，冇攞過任何獎，啲人講咩亞軍，係冇㗎，得陳奕迅一個金獎，我係冇獎。但係我哋好有緣份，可以喺華星開始我哋各自嘅夢想。好恐怖，我係冇諗過會唱到30年！係意料之外，當時諗住畀幾年自己，得就得，唔得就唔得，一路走下跌下，上下上下，上山落山咁，走走下走到而家。」提到日前推出最新廣東歌《Live MY Life》，她稱新歌名記錄了她現在的生活態度，跟她同步成長的人就會明白，而她說最喜歡尾句歌詞「聽一聽直覺」，自言當想通了便會無懼面對再開始的起跑線，她續說：「人要聽自己個心，就會知道自己要乜嘢，唔夠薑直接承認，或者夠唔夠薑做返出嚟係第二個課題，但係只要自己諗得明白嘅時候，嗰條起跑線又再開始，然之後就會力大無窮，乜都唔驚。」千嬅更自稱是「樂壇生還者」，希望籍着新歌鼓勵大家。
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
