樂宜直認與圈中男神做SP 大爆對方床事秘密 惹網民瘋狂估誰是主角
DJ女神樂宜擁有傲人身材，不時於社交平台PO性感相大派福利，受網民歡迎。日前，樂宜自爆自己已脫單，與金融才俊男友拍拖一年，指男友接受佢工作時需要性感；近日，樂宜再爆出勁料，直認自己曾有SP（性伴侶），令人嘩然。
樂宜大爆男神SP性能力時間得3分鐘
樂宜近日為YouTube頻道「The Love Boss」擔任嘉賓，其中傾到SP話題，樂宜分享與SP只談性唔談情嘅原因，表示而家大個女會知個男仔啱唔啱自己拍拖，如果有感覺但知道性格上大家拍唔到拖就會將佢哋變做SP，但佢好肯定自己唔會對SP沉船。樂宜又表示通常靚仔都花心；主持就詢問樂宜現任靚唔靚仔，樂宜笑言：「一般般啦，過得去就算啦。」主持追問樂宜SP屬唔屬於男神級別及是否圈中人，樂宜則表示係男神級，圈內圈外嘅SP都曾有過，於是主持問及樂宜嘅SP出唔出名，佢就直言：「都出出哋，我覺得，還好。」樂宜透露圈內男神SP嘅特徵，指對方係唱歌嘅，但冇自己作歌、中等身材、英文名5個之內。樂宜又大爆該圈內男神SP係自己主動喺IG不斷Like對方帖文引起注意後私訊對方，及後變成SP：「依家IG咁方便，都係用呢個方法去結識，依家都係最興講『你有無興趣上嚟我屋企睇貓』，講得呢句大家都知咩事。」
不過，樂宜似乎唔係好滿意對方嘅性能力，指對方時間得3分鐘，比佢沖涼時間更快，但因為覺得對方外表實在太正，因此都係會繼續做SP：「起碼10次啦！J個樣」。唔少網民都齊齊競猜樂宜圈內男神SP身分。
原文刊登於 Yahoo 娛樂圈
ADVERTISEMENT
20周年「全城撐本地消費3重大激賞」！ 即睇活動詳情！
