娛樂
2024-06-15 12:51:37

歐倩怡離婚後首談感情事 自爆有玩交友App:約過6位男士見面

分享:
歐倩怡自爆有玩交友App。

歐倩怡離婚後首談感情事 。

曾被封為「圈中模範夫妻」的郭晉安與歐倩怡(Cindy) 上月驚爆離婚,18年婚姻劃上句號,消息傳出後,震撼整個娛樂圈。Cindy日前就接受蝦頭及連詩雅主持的《絲打圍爐》訪問,卻罕談回復單身一事,並自爆有玩交友App

Cindy在訪問當日笑容燦爛,似乎未有受離婚的事件影響,近年積極進修的她,除成功考獲營養師牌,更表示希望可以再考瑜伽導師牌,試試40幾歲人可否做拱橋。Cindy 當人妻後一真相夫教子,她回想起當時湊小朋友的辛苦日子,「始終有嘢要犧牲,以前小朋友要車出車入,一日瞓4個鐘,我仲要一天八次揸車來回西貢同九龍,時間同油錢都幾大件事。」 回復單身的Cindy,在訪問中更自爆有玩交友App識男仔,她說:「女人真係唔好讀太多書,真係有啲男士係會驚你,講個秘密畀大家知,最近開始玩交友Appprofile寫自己咩咩咩,勁得濟係嚇親人,所以盡量簡單啲!不過原來鍾意運動嘅女人,係原來多啲人like。」

adblk5
歐倩怡離婚後首談感情事。

歐倩怡自爆有玩交友App。

歐倩怡更透露在交友App曾與六位比較啱傾男士見面,其中一人連續爽約兩次,Cindy 謂玩App只是實驗性質,唔係為識男仔而識男仔:「我16歲開始入娛樂圈,我個世界都係娛樂圈入面嘅人,近呢一年喺中醫診所打工,開始接觸呢個社會,但其實好多人際關係、社交手腕等,以前都係靠晒經理人,呢方面我係好渣。所以,其實我係想睇下呢個世界,唔同行業既人做緊乜。」她更笑指App入面超靚仔的大多數都是「伏」,並大爆有男士出扮作不認得她,又更以為是拍整蠱節目。

adblk6

但對於感情,Cindy 亦只是採取隨緣的態度:「冇所謂,有啲七老八十先遇到真愛喺埋一齊啦,我諗依家呢個世代,緣份擋唔住,要走又挽留唔到,人生就係離離合合,生老病死。」

郭晉安與歐倩怡上月驚爆離婚,18年婚姻劃上句號。

郭晉安與歐倩怡上月驚爆離婚,18年婚姻劃上句號。