Ad Block Ad Block
娛樂
2022-05-17 11:26:20

沈殷怡自爆被Jeremy迷倒 識做家務嘅男仔好charm

分享:
Shirley在網上節目《絲打圍爐》自爆好冧Jeremy。

ViuTV女神沈殷怡(Shirley)早前跟「米露迪」,接受蝦頭(楊詩敏)和連詩雅的網上節目《絲打圍爐》訪問,討論「戀人未滿,友達以上」的話題,其間玩遊戲回答問題,當Shirley要回答「圈中最為吸引你的異性朋友」時,27歲的Shirley突然害羞起來,「如果有follow IG算唔算朋友?因為我好想講一個⋯⋯ MIRROR Jeremy(李駿傑),我覺得好正。」

擁有一對修長美腿的Shirley被奉為ViuTV女神之一。 早前Shirley為MIRROR演唱會的發布會做司儀,未知有否跟Jeremy打招呼。 「團媽」Jeremy識做家務又是愛貓之人,令Shirley心心眼。 平日像鄰家男孩的Jeremy,在舞台上散發獨特妖媚。

Jeremy有養貓有愛心

蝦頭隨即追大家是否朋友?Shirley答道:「都會打招呼,同一個地方學唱歌,就咁樣啦,冇啦。」蝦頭與米露迪紛紛獻計,鼓勵Shirley主動出擊,米露迪叫她讚Jeremy身形健碩了,並示範摸他的手臂,Shirley即嬌嗲大叫,Jeremy唔係行呢個路線,但我仲係好愛佢。」Shirley親解冧爆Jeremy的原因,「之前睇佢工作,佢好認真、又有養貓,又識做家務,我覺得好charm嘅一個男仔,係會識得做家務,或者打理自己嘅生活,又有養貓好有愛心,呢啲各種各種……就會好欣賞佢。」

Shirley談起Jeremy即變怕醜妹。 Shirley建議魯生開劇讓她與Jeremy有合作機會。

魯生開劇由Jeremy演霸道總裁?

蝦頭問如果跟Jeremy一齊主持節目,如何打開話題,讓對方留下深刻印象?Shirley心心眼表示:「如果我遇到一個本身就好正嘅人,我喺佢面前,係完全唔敢出聲,我真係會好淆底,佢同我講嘢會好緊張。我諗拍劇啦,魯生(魯庭暉)可以試下開佢霸道總裁我嘅劇,拍劇有台詞冇咁尷尬,主持就要多互動。」連詩雅見她講起Jeremy已經好緊張,叮囑她下次見面要扮鎮定,Shirley儍笑:「我一定會,我可能會跑走。」蝦頭揚言要幫手製造機會,她相信節目出街後很多人會私訊 Jeremy。不知ViuTV會否真的製作新節目或開劇,促成兩人合作?其實上月MIRROR公布開演唱會的發布會,正是由Shirley擔任司儀,而ShlirleyAnson Kong很老友,要進一步認識也不難。

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受