泰山透露自己確診前列腺癌四期，癌細胞更擴散至頭骨、尾龍骨。
商台DJ泰山（本名曾匡民）早年開設YouTube頻道教煮餸，惟近半年工作量大減，以往密密出片的他，自上月開始僅上載一條影片，直至凌晨他再上載新影片，但今次就宣布自己確診前列腺癌第四期，而且癌細胞已擴散至多個部位，包括盆骨、頭骨、胸骨、肩膀及尾龍骨。
金山表示自己當下知道自己患癌時，已經諗「自己玩完」。
由2月開始做療程
他稱去年年底發現自己排尿不順，而是去求醫始發現，他指醫生為他安排不同掃瞄、檢查，確診之後需立即打賀爾蒙針及食標靶藥物治療。去到2月開始做化療，每三周一次，至5月底完成療程，合共6次。完成化療之後，又再做10次電療，他說︰「成個6月都喺度做電療，隔一、兩日就要做，做完電療好攰，真係拍唔到片。」他表示來到今個月，他轉往腫瘤專科中醫診所，才接受其他治療。
暫時指數下降至低水平
泰山表示做完6次化療之後，「90%癌細胞已經走晒」，前列腺癌細胞指數的PSA值亦由57降至現時0.8，自己亦很感恩，但仍需要努力。他表示知道自己患癌時，曾陷入絕望：「我係咪就咁玩完？」並稱太太知道之後，亦難以相信，大家一齊在家發呆、哭泣。他說︰「當下第一感覺係睇唔到自己細路大，唔可以同泰嫂一齊老落去，唔捨得屋企人。好多呢啲感覺穿梭係個腦入面。」
陸續恢復工作
泰山稱當時很快就接受患癌一事，繼而立即思考自己之後要做甚麼，「要點處理之後嘅嘢，我係諗玩完，嗰陣諗小朋友讀書係點呢？最唔捨得我屋企人，如果我咁走咗，無人去教我啲小朋友……亦都冇人去照顧泰嫂。」
他亦因為信仰關係，自己不停祈禱，亦感恩獲上帝照顧，接受治療期間的反應不算太大，很感恩整個過程都是安穩中度過。他又交代自己的身體近況，表示已經陸續恢復工作，但未來仍需要食藥打針，定時做檢查，同面對可能復發的情況。他說︰「依家可以話係被控制之下，我要同未瞓醒嘅癌細胞一齊共存。我要食得健康啲，做多啲運動，食多啲菜，唔可以食糖。」
泰山認為樂觀去面對，是打敗癌細胞最好的關鍵。
活好每一日
他續勉勵同路人，「依家科技真係好發達，幫到你嘅醫生同藥係有好多，最緊要保持正能量心情去面對呢件事，要keep住心情好。」他又引述醫生朋友的說法，很多個案的病人如果心情不好，病情轉差的機會大好多。他說︰「老土都要講，活好每一日，個人放鬆啲、脾氣少啲大方啲，原諒人多啲，笑多啲陪屋企人多啲，俾啲耐性身邊所有人。我反而覺得依家自己好似有新生命開始咁。」
ADVERTISEMENT
送香港迪士尼樂園20周年限定精品及一日門票！
