泳兒表示MV中的喪屍好迫真，嚇到要人陪去廁所。
泳兒(Vincy)今年第3首派台作品《老殘遊戲》上架，新歌探討大家都怕的「衰老」。歌曲加入電子與歌劇元素法，一改過往情歌風格。歌詞出自黃偉文手筆，寫出「有個遊戲叫老得漂亮誰敢面對」，強調有格調才可防腐永存。Vincy解說：「年紀大咗，經歷、智慧同修養先係最珍貴，呢啲嘢時間搶唔走。」
另外，黃偉文提議加插法文歌詞，監製阿道找來識法文的朋友寫下 「Les rues pleines de grâce, Les raisins sont trop verts」，Vincy以opera腔演繹，將「老殘」昇華到藝術層次。
嚇到唔敢去廁所
至於MV趣事，Vincy即大吐苦水，「今次拍喪屍片，要喺停車場喪跑，同導演Sheng合作咗咁多次，之前上山下海都頂得順，但今次跑幾次之後真係見頭暈想嘔。」原來拍攝前Vincy沒有食飯，跑到血糖急跌，最後要飲寶礦力同食飯保命。最搞笑是Vincy被MV中的喪屍嚇到連去廁所都要唔敢去：「真係好恐怖，所以要同事陪，仲指定要加個壯男，貪佢陽氣重嘛！」雖然MV拍到又驚又攰，但Vincy表示好值得，「首歌就係想講，無論幾驚衰老，保持自己風格同格調先最緊要。靚可以褪色，型格係唔會貶值㗎。」
ADVERTISEMENT
