娛樂
2024-06-15 18:00:56

洪永城呷醋羅子溢梁諾妍激情戲 嬲爆拍片:有冇搞錯次次真錫

分享:
羅子溢和梁諾妍於劇集《家族榮耀之繼承者》有大膽情慾戲份。

羅子溢和梁諾妍於劇集《家族榮耀之繼承者》有大膽情慾戲份。

羅子溢和洪永城老婆梁諾妍於劇集《家族榮耀之繼承者》中飾演一對,兩人戲中有不少大膽情慾戲份,睇到洪永城醋意大發,日前更拍片點名指導羅子溢如何借位嚇親熱戲。

洪永城拎住手機直擊老婆與羅子溢的親熱戲後,嬲爆表示:「又錫、再錫,有冇搞錯呀!使唔使次次都真錫呀!羅子溢。」他更拍片親自示範三招可以將假錫拍到真錫的效果;他找來蔡景行做對手,並介紹第一招用後腦擋鏡頭,他強調這個方法千祈唔可以笑,「先用後腦對着鏡頭,慢慢走近你嘅對手,跟住同佢眼神示意。」 

adblk5

 

洪永城呷醋羅子溢梁諾妍的激情戲。 洪永城拍片親自示範三招可以將假錫拍到真錫的效果。

第二招就叫「瞞天過海」,他表示鏡頭要運用得好好,先可以掩人耳目,「首先同對手眼神交流,跟住就準備咀喇,不過,千祈唔好嘟嘴,要用嘴唇對住佢條頸,喺頸度徘徊,上面嘅演員就自己演,咁就得㗎喇!。」第三招則是「移形換影」,用意識形態包裝成情慾戲:「要錫嘅時候,唔好理咁多冚被先。」網民都表示影片相當搞笑,更有人指期待睇洪永城與蔡景行真錫。

第一招用後腦擋鏡頭。 第二招就叫「瞞天過海」。 第三招則是「移形換影」 。