流行都市彭慧中為被指臉容浮腫解畫 網民：斷崖式崩壞
現年35歲嘅彭慧中（Phoebe），曾經參選港姐，入行後拍劇機會甚少，主要擔任節目主持工作。15年加入《都巿閒情》及到轉名嘅《流行都市》做主持，憑招牌長腿及34D驕人身材而人氣急升，成為唔少網民心目中嘅女神。不過近日佢拍攝《流行都市》時，被網民指臉容浮腫及顏值大跌Watt。
彭慧中：藥後引發藥物敏感
近日有網民以「慘，流行都市彭慧中嗰樣」為題解討論區出PO，更有網民上載相關截圖，隨即引起網民熱烈討論，紛紛留言話「有唔妥。 水腫？」、「腫到皮膚敏感咁樣」、「成個老態出咗嚟」、「乜搞成咁」、「中年發福」、「唔襟睇，同姚嘉妮果種風韻猶存無得比」、「斷崖式崩壞」、「似打咗野落蘋果肌」及「完全兩個人」等等。而彭慧中就解釋表示自己當時唔舒服，藥後引發藥物敏感，導致臉龐略為浮腫，不過睇咗醫生情況已經有好轉。
原文刊登於 Yahoo 娛樂圈
