![](https://cdn.am730.com.hk/s3fs-public/styles/article_image/public/2023-08/17fdfce0-34cf-11ee-baed-d6a26623383b.jpeg?itok=sckSby1M)
游學修2014年演藝學院編劇系畢業,碰上黃修平導演《那一年我們會飛》網上演員招募活動及《點五步》試鏡機會,結果雙雙獲選,不過游學修選擇出演《那一年我們會飛》年輕版彭盛華一角,與吳肇軒、蘇麗珊於電影上映後成名,後來佢問及黃修平選中佢嘅原因,對方回答指因為佢同林海峰似樣。
![Ad Block](/assets/v2/img/ui/代替網上廣告_300_250px.jpg)
游學修《星光背後》大談感情生活
2020年,游學修與許賢、蘇致豪創立YouTube頻道《試當真》,並將Channel搞得有聲有色;9月份又即將拍住影帝黃秋生演出「神戲劇場」十周年舞台劇《極地謎情》。近日,游學修接受多個媒體訪問,其中接受商台《星光背後》專訪時除咗提及入行經過,更罕有大談感情生活,講述對「新一代女神收割機」稱號嘅感受。
![Ad Block](/assets/v2/img/ui/代替網上廣告_300_250px.jpg)
![](https://cdn.am730.com.hk/s3fs-public/styles/article_image/public/2023-08/17ccb3b1-34cf-11ee-a3f7-812bd1e93c5e.jpeg?itok=0DSpSFrS)
游學修僅拍過3次拖
對於被指係「新一代女神收割機」,游學修就澄清由2015年入行至今僅拍過3次拖:「因為我個格乞人憎,好易畀人放大,覺得我溝好多女。」坦言中學讀書成日追女仔,但成日食檸檬,而且表示自己以前唔知咩叫拍拖,而佢每次失戀之後,都會用工作從失戀中振作,工作效率都有所提升。被問到選擇對象時會否先睇外表,游學修直言:「嘩!這問題,話唔睇樣就呃你吧,唔會唔睇囉!」
![](https://cdn.am730.com.hk/s3fs-public/styles/article_image/public/2023-08/%E8%9E%A2%E5%B9%95%E6%93%B7%E5%8F%96%E7%95%AB%E9%9D%A2%202023-08-08%20123052.png?itok=HVJj6dwh)
游學修曾與蘇麗珊曾樂彤拍拖
游學修曾與蘇麗珊、曾樂彤拍拖,現時女朋友則係新一代女神之一《試當真》嘅陳苡臻 (Jessica);喺與Jessica戀情曝光前,游學修曾指自己唔會與公司女同事拍拖,擔心若有女同事鍾意佢嘅話會無心工作,影響公司運作;不過,二人去年傳出緋聞,又於直播中一杯檸檬茶兩份飲被指關係親密,游學修曾一度否認緋聞,直至於4月正式公開戀情,並指二人拍拖原因係基於與一班同學遇上車禍,觸發佢哋珍惜眼前人。游學修即將踏入33歲,佢於訪問中直言自己思想傳統,盼能早日成家立室及有小朋友,透露自己曾經同Jessica傾過結婚呢個話題,但暫時就未有明確計劃。
原文刊登於 Yahoo 娛樂圈
▼游學修&蘇麗珊▼
![Ad Block](/assets/v2/img/ui/代替網上廣告_300_250px.jpg)
▼游學修&曾樂彤▼
![Ad Block](/assets/v2/img/ui/代替網上廣告_300_250px.jpg)