炎明熹、葉巧琳、海兒得知音樂劇加開5場即相當興奮。
炎明熹（Gigi)）離巢TVB後自立門戶，最近全面復出，亦參演下月的音樂劇《一束光─高錕的記憶》，與葉巧琳（Mischa)、海兒（Hedy）、鄭君熾（阿佐）合作，炎明熹扮演高錕腦海中的未來少女，將於11月15日起於隆重開幕的東九文化中心上演。
《一束光─高錕的記憶》由著名導演與編劇李敏執導、「編曲俠」Johnny Yim擔任音樂監製及資深傳媒人周國豐策劃，對於今次超強的台前幕後班底，觀眾熱烈期待，開賣不久，10場門票旋即接近售罄。詢眾要求，音樂劇團隊除了率先釋出正在進行得如火如荼的綵排花絮預熱外，同時更決定加開5場，與更多觀眾分享高錕觸動人心的追光故事。
音樂劇《一束光─高錕的記憶》將於11月中開鑼。
高興回應喜訊
對於宣布加開5場的喜訊，三位女聲近日在排練室落力排練，早前彩排時收到門票火熱售罄消息及即場宣布加場，分別高興回應喜訊 ! 在劇中擔正出演高錕妻子黃美芸一角的葉巧琳表示興奮，並對劇本讚不絕口：「聽到呢個消息真係好開心，估唔到門票咁快就賣哂，加開5場，好多謝大家咁踴躍支持！今次嘅音樂劇其實真係好有意義，除咗會致敬高錕先生嘅奮鬥經歷外，高太對於患上失智症嘅高錕所展現嘅愛同樣非常感人，亦可以令大家更關注照顧者嘅困難，所以好值得帶比更多觀眾！」
炎明熹則透露自己為了今次復出演出，落力準備，務求以最佳狀態與大家見面：「不論係演技唱歌同埋跳舞，我都會努力加油，希望可以喺舞台上駕馭到呢個未來少女嘅角色。我排練之餘亦都盡量注意自己身體同休息時間，希望有更好嘅體力應付演出，到時候都俾到驚喜大家 。」海兒則透露自己今次有突破性演出：「大家以往可能較關注我唱歌方面，而且我係演藝圈資歷尚淺，所以可能比較難想像到我今次係飾演高錕母親一角，一個人生閱歷比我豐富嘅角色，所以絕對係一個挑戰同埋突破，大家真係要拭目以待，入場多多支持！」
炎明熹、葉巧琳與海兒正為音樂劇積極排練。
ADVERTISEMENT
