Ad Block Ad Block
娛樂
2023-11-30 12:39:45

白日之下|昂然進入第五周 林保怡加入謝票團賀票房衝破1700萬

分享:
白日之下|昂然進入第五周 林保怡加入謝票團賀票房衝破1700萬

《白日之下》台前幕後一行12人走入戲院親身答謝觀眾。

以記者工作及殘疾院舍黑幕為題材的電影《白日之下》,轉眼上畫近一個月,票房持續上升,上映期間更多日成為單日票房冠軍。截至1129日,電影上映28日累積票房經已衝破1700萬!團隊上下都非常感激觀眾支持,故特意在昨晚踏入上映第五周前一晚,導演簡君晋率領一眾演員,包括姜大衛、余香凝(Jennifer)、林保怡、梁仲恆、梁雍婷(Rachel)、陳湛文、朱栢謙、許月湘,以及主題曲主唱者黃妍(Cath)、編劇李卓風、唐翠萍,組成開畫以來最強大的謝票團隊,台前幕後一行12人走入戲院親身答謝觀眾,並祝願電影踏入第五周,票房繼續有好成績。

Ad Block
《白日之下》台前幕後一行12人走入戲院親身答謝觀眾。 《白日之下》台前幕後一行12人走入戲院親身答謝觀眾。

難得見到12位台前幕後人員同場出現,觀眾反應非常熱烈,姜大衛更主動搞氣氛,即場戴上戲內角色通伯的標誌鴨嘴帽,全場觀眾拍掌起哄,他笑言:「其實通伯唔傻㗎,好似我咁醒嘅,好多謝大家支持《白日之下》,希望大家真係多啲入戲院睇電影,香港電影真係好多好好睇嘅。」加入團隊謝票的保怡,亦都跟在場觀眾打成一片:「剛才阿John哥(姜大衛)見到我嘅時候,話想打我,哈哈哈,呢個院長真係抵打,係啊,真係一個魔鬼嘅角色嚟架。」謝票團隊亦即場送贈紀念版鴨嘴帽,影迷們都非常驚喜。

Ad Block

電影上映近一個月以來,口碑載道,導演簡君晋再次言謝觀眾的愛戴,並感恩的說:「白日之下準備踏入第五周,票房好即係代表好多人入場支持,呢個都係我哋最想見到,同埋引起坊間討論以及反思,希望電影可以去得更遠。」幾位演員亦都呼籲觀眾繼續入場,期望票房有更佳成績。林保怡:「希望觀眾除咗支持之外,就係話畀朋友聽啦,其實一部好嘅電影係好難得到。」John哥:「我就相信一套好嘅電影,一定有觀眾睇,今日嘅影評、票房啊,我哋都已經好享受好滿足,多謝大家。」Jennifer:「去到第五個星期,依然係見到都有好多觀眾入場,所以真係要多謝佢哋每一位,同埋嚟緊都會喺北美上映,我都希望電影可以去到更加多不同嘅地方上映,畀更多不同嘅人睇到。」Rachel:「我們好期待,可以能夠喺第五周啦、第六周,不久嘅將來繼續可以見到更加多嘅觀眾選擇睇《白日之下》。」

Ad Block
林保怡昨晚亦加入團隊謝票。 姜大衛在是次謝票活動上大搞氣氛。 余香凝多謝每一位入場觀眾。
請接受以下私隱政策及免責聲明,以示你同意am730內之私隱政策及免責聲明。了解更多
接受