Ad Block Ad Block
娛樂
2024-05-29 17:42:14

神耆小子|冼靖峰獻出螢幕初吻嗌緊張 羅毓儀加演出浴戲

分享:
Archie帶Yuki去拜祭自己父母。

Archie帶Yuki去拜祭自己父母。

TVB劇集《神耆小子》本周播出結局篇,昨晚(28 日)一集,「一多CP」冼靖峰(Archie)、羅毓儀(Yuki)感情大躍進,一鳴(Archie飾)和多多(Yuki 飾)早已互生情愫,一鳴帶多多到墳場拜祭父母,告知了多多身世,並單膝下跪向多多真情告白:「如果你願意,我可以陪你度過所有困難。」多多說:「我好難㗎喎,你頂到?我做嘢冇邏輯,你會跟得好辛苦,無論我做咩決定你都會支持我,唔會後悔?」一鳴聽畢一面溫柔地說:「我頂到,一定唔會(後悔)!」深受感動的多多向一鳴獻上情深一吻,浪漫滿瀉。

Ad Block
Yuki悉心打扮赴約。 Yuki更上演出浴戲。

這場浪漫吻戲,原來是演戲初哥Archie的螢幕初吻,他受訪時笑言:「其實心情都幾緊張,因為始終都係螢幕初吻唔想NG太多Take,所以事前有背熟劇本同走位,自己事前排練咗好多次,唔想因為走位走得唔好而重拍。」奪去Archie「初吻」的Yuki則說:「拍呢場戲嘅時候係落緊雨,成個環境都有一種淒美嘅感覺,好切合到一鳴同多多互訴心事嘅狀態!」Yuki又感激Archie演活角色令她更易入戲:「多多表面上睇起嚟好開朗,好堅強好似乜嘢都自己搞得掂咁,但其實佢默默承受咗好多,同普通女仔一樣好需要有人支持,咁一鳴就完全做到呢樣嘢。」講到劇中的「一多CP」,Archie就表示:「同Yuki合作得好開心,因為Yuki都係我前輩,佢一路都Lead住我去拍,我哋之間默契都唔錯,希望觀眾睇完都覺得我冇違和感。」Yuki則感恩說:「大家都覺得我哋有『最萌身高差』,同埋個樣都係偏童顏,最重要係我哋喺拍劇嘅時候都好有火花,而呢一種火花同『一 多』一樣,都係建立喺一種互信嘅狀態!Yuki在昨晚一集更有出浴場面,滿足不少男fans

Ad Block
Archie下跪向Yuki表白,甜到爆。 Archie獻出螢幕初吻。 Archie獻出螢幕初吻。
請接受以下私隱政策及免責聲明,以示你同意am730內之私隱政策及免責聲明。了解更多
接受