姜濤的第八首單曲《Dear My Friend》將於明天(6日)派台，他將此歌送給亡友。
姜濤曾邀請好友「中鋒」在《全民造星》的節目亮相，細訴始於打籃球的兄弟情。
人氣男團MIRROR的暑假出歌計劃，繼Anson Lo(盧瀚霆)、Jer(柳應廷)和Edan(呂爵安)之後，踏入8月的頭炮輪到姜濤。姜濤昨日(4日)公布將於本周五(6日)推出第八首單曲《Dear My Friend》，他留言「送給你的@_kinlam」，以此曲送給於早前猝逝的摯友「中鋒」。
姜濤在參加《全民造星》時，曾表示自幼因肥胖常被欺凌嘲笑，惟有兩位摯友跟他打籃球做朋友，兩位好兄弟曾在節目中亮相，其中一位「中鋒」於3月不幸猝逝，姜濤在開live時曾表示將下首單曲(第八首單曲)送給對方。
姜濤在IG限時動態寫下留給摯友「中鋒」的說話。
姜濤在IG限時動態寫下留給摯友「中鋒」的說話
最後，姜濤表示疫情過後會與其他好友去旅行，待年老才去找已逝的摯友。
姜濤今日凌晨有感而發，透過IG的限時動態寫下留給摯友的說話，表達思念之情與承諾，他寫著，「@_kinlam白痴仔，頭先監製send咗八胎final version俾我，你聽唔聽到？我盡左力架啦，以前你成日覺得我d歌一般，呢隻你滿意啦。最近因為你唔係到，宜家打波變咗我打中鋒，原來你以前嘅位置真係好攰，以前(唔)應該成日賴你搶唔到籃板。」
他又問候「中鋒」的感情生活，「你喺嗰邊搵到女朋友未呀，30幾歲人都仲未拍過拖，丟架到。頭先發現原來WhatsApp已經搵唔到你以前嘅對話紀錄冇晒，不過好彩啲相仲喺度，同你大部傾偈都係當(裡)面。」
接著，姜濤報告新歌MV的製作進度，有重有義的他承諾會探望摯友的家人，「mv琴日通宵都拍完啦，我今次搵嘅導演拍野拍得好好，一定整到你好靚仔，你睇吓，為咗你拍完MV之後直踩30幾個鐘冇瞓過。希望mv出街之後可以親自去你屋企嗰度比佢哋睇，你放心我之後一定會定期去探佢哋，我都同佢哋講話以後有咩幫忙即管開口，我同占士一定盡力幫。」
最後，他向「中鋒」傾訴心事與壓力，「最近呢真係有啲攰，可能係同身邊嘅人相處得唔太好，可能係外界成日攞我啲嘢去講，可能係對之後要做嘅事冇乜太多信心，不過好彩占士都成日陪我，同埋我最近都搵返黃泉佢哋，總算覺得私底下多番啲朋友啦，呢隻歌，我唔需要有咩太好嘅成績，啲人喺下面評論啲咩啊都唔緊要，最緊要嘅係呢隻歌你聽到睇到就得。疫情完咗之後呢，我就搵其他人一齊旅行㗎啦，你嗰邊，等我老咗再過嚟，等我呀。」
