譚小環昨日在中環出席「投資退休」記者會，她被問到網民近日在網上留言，狂批「香港小姐」外景拍得泥，沒有像過往特地到海外製作，身為港姐冠軍的她指，可能無綫budget出了問題，似是暗示「香港小姐」找不到贊助商。
問譚小環可有留意，不少網民近日狂批今屆「香港小姐」製作渣斗，更取消到海外拍攝，身為前港姐冠軍的她回應：「自己太忙冇時間睇電視，但係如果站喺電視台立場，可能預算出咗問題，(是否找不到贊助商？)唔知！又可能管理層想響香港拍攝呢！點話得埋。」
小食店再開兩分店
自言吊戲癮
譚小環又稱，將在本月分別在九龍灣和東涌，開設兩間自家品牌的小食店，所以之後兩、三個月將會較忙，問其夫有沒有投訴兩人相處時間減少，她說：「佢係我嘅生意顧問，我有咩問題都會請教佢，佢冇投訴，我哋會響晚飯嗰陣，傾下偈互動一下！」譚小環又坦言希望忙完開新店之後，可以多接拍電影：「我嘅戲癮又嚟。」
外形討好的譚小環，自言近日戲癮大發。