羅啟豪喜與Big Four 同場及合照。
啟豪近來火力全開、演出不斷，昨晚(8日)於電視播映嘅特備音樂節目「中年好聲音321經典大戰」，與譚輝智、李金凱合唱《一首歌一個故事》，獲封為「完美靚聲」，啟豪亦被讚極具台型，跟兩位師弟火花四濺，啟豪笑言：「今次同輝智、金凱合作非常愉快，我都好期待收睇節目，渴望觀眾會鍾意！」
羅啟豪前晚(7日)突發身「萬眾同心公益金」，被問到為何原本他不在表演名單之列，最後與李佳有份參與演出。啟豪解釋聽説這一個部份原本由兩位總理合唱，但有一位因病未能出席，於是需要另作打算，臨急邀請啟豪與李佳頂替演出，啟豪說：「監製之前有同我同李佳合作過，覺得可以試吓搵我哋幫手，好好彩咁啱我哋兩個都得，但難題係今次要照原定設計唱經典歌曲《Memory》，自己從未試過公開演唱呢首歌，同埋只有 24 小時預備，加上因為弦樂隊同現場樂隊已經練好晒個key，唔可以再臨時轉 key，所以我哋兩個都要全力以赴，打醒十二分精神，最後現場觀眾同工作人員都好滿意，自己同佳佳都好開心！」
羅啟豪日前出席「2025認證頒授典禮暨產品安全嘉年華」，獲STC主席唐慶年委任為「2025認證推廣大使」壓軸登場，為現場觀眾獻唱兩首歌曲，當中包括首次公開現場演唱的劇集《清明上河圖密碼》主題曲《有天做證》。啟豪表示：「劉易昇老師俾首歌我嘅時候，即刻喺屋企練習，作為 I 人自己慣咗一個人匿喺屋企坐喺度對住電腦唱歌，所以都係坐喺度練，點知去到錄音室企喺度錄，反而初初唱唔到，呢段時間為咗預備今次首次現場演繹，即刻喺屋企要記得企喺度練！另外有網民幫我計過呢首歌有547個字，連埋要記歌詞，今日畀自己 85分，算過到關，好開心！」