林潔心、周智敏、蕭凱恩、穎喬昨日（2日）在TVB選秀節目《聲秀決賽終極聲戰》落敗無緣入三甲。（蘇文傑攝）
林潔心、周智敏、蕭凱恩、穎喬昨日（2日）在TVB選秀節目《聲秀決賽終極聲戰》落敗無緣入三甲，四位在選秀節目結束後接受訪問。周智敏表示：「我好滿意自己嘅表現，覺得係一個完美嘅句號，亦都成為咗心裏面嘅女王。」蕭凱恩說：「我好開心喺呢個節目裏面突破咗自己嘅傳奇。」穎喬則分享：「我覺得呢一個係好嘅開始，我冇諗過可以黐住第三名。」她續說在跳唱《Taxi》期間不小心跌耳環，並表示：「側邊有八個dancer，我勁驚會發生意外。」林潔心指半年前參加節目很多東西也不曉得，直到今天終於學懂了如何享受舞台。
林潔心指半年前參加節目很多東西也不曉得，直到今天終於學懂了如何享受舞台。（蘇文傑攝）
林潔心自覺變劉浩龍女兒
被問到參加節目最大的得着，蕭凱恩表示非常感恩能夠成為譚耀文的學員，感謝對方悉心的教導。周智敏感謝TVB給予機會她參加比賽，並笑言：「我最初真係好細膽，到真係唱《隆重登場》，我覺得自己有好大突破！」林潔心則表示非常感激劉浩龍，並續說：「我冇諗過我哋嘅關係可以變得咁close，好似變咗佢個女兒。當我遇到批評攻擊，我就會越想做好件事，劉浩龍一開始就會不斷彈我，話我唱得好難聽真係唔識唱歌，其實當時我每日都喺度喊，慢慢開始就接受意見，懶音都改善咗好多。」
