胡定欣今日（23日）出席中國網球巡迴賽建行(亞洲)香港公開賽開幕禮暨名人賽。（娛樂組攝）
胡定欣今日（23日）出席中國網球巡迴賽建行(亞洲)香港公開賽開幕禮暨名人賽。今日是胡定欣公布結婚後第一次出席公開活動接受傳媒訪問，她接受訪問指不習慣被叫陳太。問到是否雙喜臨門，她否認說：「我諗係大家太心急啦！又可能大家得太突然知道結婚估係有其他原因，其實係冇架！」被問到會否考慮過生仔，她表示：「暫時仲未諗呢樣嘢，最緊要係兩個人開心為主。」
胡定欣與醫生男友陳健華早前在紐西蘭拉埋天窗。
冇嬲林盛斌社交網留言
提到「胡說八道會」成員胡杏兒較早前透露有送禮物祝賀胡定欣結婚，胡定欣直言：「佢送咗一對龍鳳鈪俾我，仲要係好粗嘅，我都唔係好知道金價，都有問人原來價值真係唔少嘅。」至於另外一位好姊妹姚子羚至今仍然是單身，會否考慮介紹伴侶讓她認識，她回應：「好多嘢都冇得急，當緣份一出現大家都會有一個美滿嘅結果。」
提到林盛斌（Bob)較早前在胡定欣的社交網留言寫上「記得每晚大戰300回合，然後生幾個」，她說：「我冇嬲佢！呢啲係佢啲台詞嚟嘅，之後我約咗佢同洪永城都食咗一餐飯。」她續說已經與老公去完度蜜月，現階段正式投入工作。
