胡鴻鈞（Hubert）昨日（2日）出席 TVB選秀節目《聲秀決賽終極聲戰》。（蘇文傑攝）
胡鴻鈞（Hubert）昨日（2日）出席TVB選秀節目《聲秀決賽終極聲戰》，Hubert接受訪問被問到自己是否一位嚴厲的導師，他說：「本身我自問都係比較隨和嘅人，但去到一啲位需要認真同埋嚴厲，我都唔會特別留手。」他續說對於學員的表現會特別嚴厲，並表示：「可能講咗三次某一啲位點樣處理，但交出嚟嘅功課都冇認真聽過，遇到呢啲情況我就會比較惡啲咁話佢哋。」
Hubert自認是一位嚴厲的導師。（蘇文傑攝）
讚蔡思貝唱歌絕對唔差
講到有報道指蔡思貝即將離巢，提及二人曾經傳出緋聞會否特別關心對方，他則回應：「坦白講係冇嘅。」他續說蔡思貝是成年人，會懂得處理自己的事情。提及蔡思貝即將會登台表演唱歌，他大方表示若果對方有需要協助，也樂意分享意見。至於有否聽過蔡思貝唱歌，他直言：「喺商業演出有現場聽過，佢唱歌絕對唔差，但我鍾意睇佢做戲多啲。」
ADVERTISEMENT
