呂爵安(Edan)、魏浚笙(Jeffrey）、黃正宜(阿正)、劉沛蘅(Hillary)及徐浩昌(肥腸)笑談拍《膠戰S4》趣事，岑珈其因工作缺席。(林俊源攝)
呂爵安(Edan)、魏浚笙(Jeffrey）、黃正宜(阿正)、岑珈其、劉沛蘅(Hillary)及徐浩昌(肥腸)6位膠人，相隔逾兩年再次合體主持的《膠戰S4》將於今晚(15日)首播。6膠早前接受訪問，雖然「爺爺」珈其因工作缺席，5膠保持大暴走本色，互爆秘密笑爆肚，亦認真談由2020年合作至今的改變。
出埠日本變馬來西亞
《膠戰》來到第4季，今次終於衝出香港飛往馬來西亞拍攝，查實阿正就率先爆料指原本出埠地點是日本，由於有傳日本或有地震等天災，「因為迷信嘅關係，Hillary極擔心，問拍嘅時候我生日，會唔會……」談到若遇意外，可會為友伴犧牲？5膠就爆料指珈其以「唔想變成唔完整嘅人」為由，拒絕為5膠犧牲身體任何一部分。話雖如此，珈其為Hillary的驚喜生會，爺爺演技大爆發扮受傷，嚇得Hillary淚灑當場。
素顏排行榜
6膠首次一齊出埠，朝夕相對，當然有料爆。Jeffrey自封「大九紅」，並在IG率先披露「大九紅」真像，造型爆笑。談到素顏排行榜，Jeffrey和Hillary穩守顏值擔當的位置，阿正笑言，「Hillary真係無毛孔！」原來兩人無論拍到幾夜，都堅持敷面膜，Hillary更被爆堅持每日花5分鐘焗油。Edan就自認反差最大的一位，阿正順勢爆料指，5膠為Edan演唱會做嘉賓時，被他的倦極素顏嚇到大叫，Edan自言人靠衣裝，阿正秒回：「你靠化妝！」。Jeffrey就被爆終於開口進食，肥腸指Jeffrey為了上鏡好看，通常拍攝時都不太肯吃東西，惟今次竟大吃大喝， Jeffrey一臉正經解釋：「原來生命係好緊要。」果然語出驚人，引到哄堂大笑，「喺自己食得嘢嘅時候食嘢，(點解會醒覺？)嗰時剛剛整親(拍戲頸部受傷)。」
岑珈其為兒子改名「彥祖」
談到最深刻恐怖的遊戲，眾人笑言腦海空白，直至Jeffrey提起昆蟲園才一言驚醒，肥腸禁不住驚呼，「有一單嘢我哋每個人都驚到癲咗，我哋點解會忘記，因為PTSD。」Jeffrey被指驚到失控，搞到昆蟲四散，他自言低估了《膠戰》製作組，冷靜表示，「那失控係可接受，人之常情。」不在場的珈其當然也是爆料對象，原來拍攝時他為快將出世的兒子改名，阿正笑言，「佢話想改做岑彥祖，似吳彥祖！」不過，5膠亦不忘大讚爺爺有進步，即使畏高都勇於挑戰。
Edan自言受鄙視
談到6膠合作5年的改變時，Edan自言改變頗大，「最大分別係起初會很著緊點可以好睇啲，令節目效果好啲，比較Try hard有冇做啲好笑嘢，而家比較放鬆，覺得唔使諗咁多，可能有安全感，唔使驚，因為對我哋有信心。」被問到與MIRROR兄弟拍綜藝，跟與5膠合作的分別時，他認為相處與化學作用大不同，以小組團綜《呂濤米Lo Seoul》作例子，「我要好hyper咁帶住大家，要做多啲效果，喺呢邊係……(阿正：hea做？)俾人鄙視，因為有正姐和珈其哥哥帶領住大家。」他自言因私怨被鄙視，阿正就投訴，「佢今季拎咗肥腸個氣氛小偷嚟做，大家都畀唔到反應佢，會好奇『Edan呢幾年經歷咗啲咩』！係咪留晒力俾『士多啤梨組』，冇理我哋？」
開騷重拾默契
阿正就指Hillary露出「情緒勒索」的真面目，「佢嘅氣場係：『OK！你贏咗遊戲，輸咗個朋友，你贏吖！』」Hillary自言今季更開放，「起碼唔怕喺佢哋面前喊，表現最底層嘅自己，前3季我都會驚佢哋唔知我做咩喊，而家真係friend咗同有默契。」Edan質問要5年才被視作朋友，Hillay自辯較慢熱，需較長時間跟男生混熟，問到哪住膠人最難相熟時，她不假思索：「Edan囉！前3季易相處啲，我覺得佢今季收埋自己多啲。」肥腸作最後總結：「呢季開頭，我哋真係唔入局，connection冇以前咁強。」其間經歷了《膠戰RUN FOR YOUR LIVE》，令大家重拾默契，「出埠就開始有師兄弟歸位feel，大家都拍得好自在，返到香港係一齊覺得今季好睇喎！」
古裝膠劇大暴走
《膠戰S4》延續S3最後一集，6膠被困於輪迴世界，今季將上演連串小劇場，阿正形容，「要拿捏綜藝與演戲，係難架。」5膠直言心思思想拍趣劇，頭腦擔當的阿正即興構思劇本，提議拍古裝，幻想自己是落難公主，更扮演《洛神》裡半遮面的蔡少芬，念起古詩來，接著興高采烈地分享內心小劇場。她幻想自己是落難公主「小正」，流落街頭，笑指Edan「男生女相」最適合演太監小安子，肥腸演負責接生的御醫，Jeffrey當然是青梅竹馬因戰亂失散的貴族，Hillray則演政治姻親的情敵。珈其則被踢出局，負責現場打燈。
ADVERTISEMENT
立即更新/下載AM730手機APP 體驗升級功能
