娛樂
2024-06-12 20:45:00

與Anson Lo二度合作Kelly狂loop《深閨》旋律餘百次

分享:
生活

Anson Lo、Kelly二度合作,Kelly讚對方唱慢歌有feel。

盧瀚霆(Anson Lo)去年在個唱中邀請陳慧琳(Kelly)擔任表演嘉賓,近日他灌錄新歌《深閨》,再次邀請前輩合作,Kelly在錄音前狂loop此曲旋律,務求練熟才開始錄音,專業精神可嘉。

Anson LoKelly這番二度合作,Anson Lo表示,非常崇敬Kelly的歌唱實力和地位,他說:「上次同Kelly合作係喺舞台上面,邀請佢做表演嘉賓,今次係official合作,邀請佢featuring我首歌。一直好欣賞同敬佩Kelly,跳唱皆能,係香港一個天后icon,能夠邀請到合唱,自己覺得係好勁嘅事。」

生活

錄音時兩人手握手合唱,增加投入感。

近年經常與不同歌手合作的Kelly,指錄音時感受到對方在演繹慢歌時的深情拿捏能力,她說:「我都想同新生代歌手合作,之前同Sing Sing Rabbit,另外亦宣布咗我同AGA合作,不過要等到我完咗巡唱先可以進行。有日忽然間收到Anson嘅邀請,想搵我合唱,而且幾個鐘就搞掂,所以Why Not?不過冇諗過同佢合作係唱慢歌!但咁都好,我為咗呢個合唱版,我起碼聽咗100次《深閨》旋律,啲View數有一半係我㗎!」

 

adblk5
生活

徐浩負責《深閨》的監製工作。

Kelly對上一次與男歌手合作錄歌,原來已經是2014年為電影《盜馬記》主題曲《不如今晚》與梁家輝及鄭伊健合作,她坦言:「因為每個人都有唔同character,所以每次感受都會有唔同,但上一次配合電影的喜劇劇種,所以演繹上都比較搞鬼。」至於Anson Lo,則指每次跟前輩合作都會有壓力:「Kelly又唱得,錄音又快,而新版本不論歌詞Melody都唔一樣,我同Kelly係以harmony形式對唱,所以我嘅range要再高啲,係一個挑戰。」今次再度合作,二人都感到意猶未盡,期盼日後再度合唱,不過Kelly強調:「唔好再唱我啲歌,佢嗰啲新啲好玩啲。」

生活

Kelly對上一次與男歌手合作錄歌,原是2014年的事。