Ad Block Ad Block
娛樂
2024-06-11 15:58:02

芯駖成COLLAR第三位出solo 許軼Day最快有反應

分享:
芯駖成為COLLAR第三位成員單飛出歌。

芯駖成為COLLAR第三位成員單飛出歌。

COLLAR再有成員單飛出歌,李芯駖繼Marf邱彥筒、Winka陳泳伽「單飛」後,亦於昨日(10日)推出首支個人單曲《SPYLING》。芯駖「單飛」頭炮,曲風以她擅長的跳唱快歌為主,再配上間諜故事為題,而日前拍攝MV期間,她以性感的間諜造型上陣,大騷香肩之餘,更真空示人,就連她亦笑言是「芯門大開」。

芯駖在新歌MV的造型非常性感。 芯駖在新歌MV的造型非常性感。 芯駖在新歌MV的造型非常性感。

Day第一個關心

芯駖得悉首次「單飛」出歌後,竟不敢第一時間跟媽媽分享消息,她表示:「冇同媽媽分享,驚佢擔心,所以專心做好先,作品完成後會同佢講,但會俾心理準備佢,會有好突出造型。反而第一個問我係咪出歌嘅人係Day(許軼),佢仲問我可唔可以聽吓首歌,佢聽完話好好聽,仲問我可唔可以俾個MV佢睇,我話拍咗先再俾佢;其實我未出歌時,Marf都成日send好多歌畀我,話覺得邊首歌啱我,所以出歌我都問大家意見,因為我有選擇困難症。」

 

提到去年Marf與Winka「單飛」都有不俗成績,芯駖成為第三位「單飛」成員又可有壓力?她稱:「如果我話冇就假嘅,壓力來自做得好唔好,冇諗過獎項,過程中好多人畀咗好多心機、資源、空間,我唔想浪費,希望做一個好作品、大家鍾意係最重要。」

 

Ad Block
芯駖為了mv的造型努力keep fit。

芯駖為了mv的造型努力keep fit。

拍MV比想像中好

提到MV造型大開中門非常性感,芯駖自言早有心理準備:「知道MV以間諜為主題,造型師早就同我講啲衫一定好貼身,叫我有心理準備,而我知道後亦第一時間去每日都做體能訓練、游水、跑步、踩單車,加上食清淡啲,令自己瘦身啲同Fit少少。」

她續說首次出歌,心情既緊張又興奮,不過來到MV拍攝現場,心情反而比想像中放鬆:「之前七個人拍MV都咁辛苦,我好驚一個人拍會好辛苦,加上冇隊友喺身邊,起初都有啲擔心,但嚟到見到所有安排都準備得好好,反而心情放鬆咗。」

歌曲《SPYLING》講述生活中每個人都好似一位間諜,為避免被別人看穿心中想法,會作出掩飾,但這樣生活卻很累,倒不如放低一切人設,爽快、誠實地活着,給自己喘息空間。

為迎合故事主題,芯駖在MV中以間諜造型上陣,她說:「一聽首歌嘅Demo就想起《職業特工隊》湯告魯斯倒吊個畫面,於是我同填詞人傾,好奇妙佢都有同感,而且佢諗起一本書《像間諜一樣思考》好襯呢首歌,於是用咗呢個題材發展今次首歌,而我又將自己好多想法都交畀MV導演,最開心今次MV加入我最喜歡嘅黑白元素,所以好期待。」

 

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受