花姐失言，直指「我最喜愛」獎項即係代表冇實力。
經理人黃慧君（花姐）一手捧紅MIRROR，成績亮麗，但她的言論卻不時惹起爭議。近日，她以講者身份出席講座，有網民就節錄其中一段言論，花姐疑失言踩自己班「仔」，引起鏡粉（粉絲暱稱）不滿。
片中見花姐說：「我成日都同我啲artist講，你唔好同我講你係偶像派啦，我唔想呀。我甚至同佢講我唔要再攞『我最喜愛乜乜』喇，好戇居，攞我最喜愛乜乜咪即係你冇實力，淨係靠人哋投票囉，我唔想係咁呀大佬！」花姐的言論惹起鏡粉在網上怒罵，指她一竹篙打一船人，將「我最喜愛」定性為「冇實力」，並列出歷年獲「我最喜愛」的都是實力派巨星，包括張學友、陳奕迅、王菲和鄭秀文等，更有人指《CHILL CLUB年度推介》頒獎禮的獎項也是由樂迷投票選出，並表示：「似乎Chill Club都唔適合再舉辦，無謂冠以『冇實力』之名俾眾位歌手。」其實MIRROR成員姜濤及Anson Lo過去曾多次獲得該獎，去年姜濤重奪「我最喜愛男歌手」獎時，大感壓力表示：「估唔到，又要俾人鬧喇……我想講一樣嘢，希望而家打緊字嘅人，如果想鬧我嘅，口下留情，多謝多謝！」有鏡粉直斥花姐的言論不尊重自己旗下的歌手。
網民怒斥花姐不尊重自己旗下的歌手。
去年姜濤重奪「我最喜愛男歌手」獎時已經大感壓力。
ADVERTISEMENT
20周年「全城撐本地消費3重大激賞」！ 即睇活動詳情！
