荃灣豬肉佬劉宋威(威威)今年5月因被指貌似AK@MIRROR而爆紅,之後有粉絲為佢開設應援群組「荃灣鮮肉威威應援團」及舉行生日會,威威仲開埋YouTube頻道及接拍廣告,風頭一時無兩。不過自疑似威威舊照和黑歷史流出,之後除口罩揭真面目後,人氣急劇下跌,星途極速玩完,更有人指佢回歸平淡生活,已經重返豬肉檔工作。
神隱幾個月嘅威威,最近就被網民公開與其合照,相中嘅佢明顯消瘦不少,雖然佢冇仔細打理儀容,不過都仍然gel頭示人。照片曝光後,仍然有網民留言話佢好靚仔,會繼續支持佢,不過亦有網民留言話見到佢想嘔。
![Ad Block](/assets/v2/img/ui/代替網上廣告_300_250px.jpg)