林子祥和葉蒨文今日（7日）以夫妻檔身份現身TVB錄製節目《今晚有歌廳》。（娛樂組攝）
林子祥和葉蒨文今日（7日）以夫妻檔身份現身TVB錄製節目《今晚有歌廳》。葉蒨文接受訪問表示：「都好耐冇拎住咪牌同記者做訪問。」林子祥笑言對上一次做訪問是擔任《中年好聲音》評判。葉蒨文繼說今天錄影節目主力分享音樂路上的歷程。
一眾藝人錄製節目《今晚有歌廳》。（娛樂組攝）
葉蒨文孖林子祥開騷冇預嘉賓環節
講到即將於紅館舉行的演唱會，是否會邀請嘉賓，葉蒨文笑說：「我哋嘅rundown太多歌，完全擺唔到嘉賓環節。」她繼續指與林子祥有太多經典作品，並表示：「我哋會揀啲大家熟嘅歌唱。」講到演唱會是否有跳舞環節，林子祥表示：「我哋會一齊跳舞。」
講到較早前錄音室綵排時有孫女陪伴在身旁，葉蒨文說：「一俾音樂佢聽，佢而家識得唱埋，我相信佢一定有林家嘅音樂細胞。」葉蒨文與林子祥規定孫女不能玩電腦和電話，並笑言：「我哋諗盡辦法14歲唔俾佢掂電話。」葉蒨文透露孫女喜歡親吻林子祥，林子祥則笑言：「孫女都好怕我啲鬚。」
ADVERTISEMENT
送 CulinArt 1862 HKD500元餐飲禮券及八月四大購物展入場券！
