香港劍擊運動員代表蔡俊彥Ryan接受《全運港將》主持李莉訪問。
蔡俊彥（Ryan）連贏上海花劍大獎賽、亞洲錦標賽和世界錦標賽，登上世界排名第一，成為港人的驕傲。Ryan擔任ViuTV全新節目《全運港將》首集嘉賓，接受主持李莉的訪問，Ryan坦言，自己並未預計會在花劍大獎賽中獲獎：「呢一年狀態真係一路都唔係幾好，本身已經將目標放咗喺之後嘅亞錦賽，亞錦賽得亞洲嘅運動員，相對會容易少少。已經將目標降低，所以冇諗過突然間攞得返冠軍。」而在比賽前一日，教練為鼓勵Ryan：「只要打得好我就將頭髮同鬍鬚染成粉紅色！」而Ryan成功奪冠，教練亦兌現承諾！Ryan更調皮地說：「粉紅色唔夠核突呀！應該要再Sharp啲囉！」節目將於明日(11日)5時30分首播。
小朋友舉「Ryan加油」紙牌 忍唔住偷笑
對於香港在第十五屆全國運動會中協辦劍擊項目，Ryan認為在主場比賽最大意義在於能夠在家人和朋友面前參賽：「因為好多時我哋啲比賽都喺海外，咁屋企人同朋友都冇辦法現場親身支持到我，同埋喺現場見到其他支持者，可以同佢哋有互動。」而早前在全運會測試賽中，Ryan坦言看見很多小朋友舉著「Ryan加油」的紙牌感到很開心，不過同時亦令自己分心：「因為每次打比賽入局之前其實要好嚴肅、好認真，但係當我係台上面見到啲紙牌，我就有少少⋯⋯忍唔住偷笑囉。但係有呢個測試賽就係畀一個機會我去適應呢啲現場氣氛，我希望去到正式全運會嘅時候，我可以開心嘅同時亦好專心咁打到比賽。」
對戰內地選手 思考自己優勢
被問到自己有何優勢適合打花劍時，Ryan即時自信地回答：「聰明！」因為Ryan覺得打花劍就好像下棋一樣：「我哋成日要估對手每一個動作，如果要聰明咁打劍就係要喺適當嘅時候估中對手會做啲咩動作，我覺得我會贏到就係因為我成日估得中對方做啲咩動作。」不過Ryan直言與內地選手對戰極具挑戰性：「因為我自己嘅優勢可能係比較靈活，但係比我靈活嘅大有人在。所以我覺得全運會對我嚟講都係一個好大嘅挑戰。我希望呢段時間可以諗清楚自己對住內地選手可以發揮到啲乜嘢其他嘅優勢，可以藉住呢個機會更加進步。」
ADVERTISEMENT
